W Budyskim wokrjesu maja ludźo najmjenje po wšej Sakskej płaćić
Drježdźany. (SN/MiP/jp). Sakski krajny zarjad za statistiku je w lěće 2025 wuslědźił, zo domjacnosć ze štyrjomi wosobami w Kamjenicy wob lěto přerěznje 588 eurow wjac za pitnu wodu a wopłóčki płaći hač ludźo w Budyskim wokrjesu. Štyriwosobowa mustrowa domjacnosć w Sakskej je w lěće 2025 po podaćach statistikarjow za pitnu wodu přerěznje 500,98 eurow a za wopłóčki 648,01 eurow zapłaćiła. W Budyskim wokrjesu wobydlerjo přerěznje najmjenje płaća: Něhdźe 976 eurow mustrowa domjacnosć ze štyrjomi wosobami tu wob lěto za pitnu wodu a wopłóčki nałožuje. Z wotstawkom najwyše su wudawki za to w Kamjenicy. Tam dyrbja něhdźe 1564 eurow zwjesć. W Drježdźanach płaća přerěznje 1127 eurow a w najwjetšim měsće Sakskeje, Lipsku, 1196 eurow.
ST 1922 Radwor – ST Lubuš 1:2 (0:1)Za Radworske mustwo zasadźeni: Pěčak – B. Grubert, M. Grubert, Schäfer (79. Elsner), Wjesela, Adam (85. Lawka), Wencl (85. Buša), Nuk, Wjeńka (56. Hetaš), Glücklich, Dźisławk (54. Mička)Z mustwom z Lubuša je Radworski cyłk w dalšej domjacej hrě aktualneho třećeho tabulki witał a steješe při tym před naročnym nadawkom. Po naposledk ćežkich tydźenjach chcyše mustwo skónčnje prěnje domjace dobyće tohole lěta docpěć, namaka pak so jenož ćežko do hry. Partija započa so bjez naspomnjenja hódnych akcijow. Radworčenjo drje bul časćišo wobsedźachu, tola hosćo z Lubuša wuhrachu sej lěpše šansy na wrota. Hižo w 13. min. hosćo nawjedowachu. Třělwa z wjetšeje distancy namaka z trochu zbožom a njedźeržomnje puć do wrotow k 0:1 (13.). Po tym bě hra skerje njespektakularna. Radwor měješe so ofensiwnje dale ćežko a dóńdźe, kaž hižo w minjenych partijach, jenož k mało wotzamknjenjam před wrotami. Defensiwnje pak mustwo stabilnje steješe, tak zo měješe tež Lubuš najprj ...
Syn poslednjeho šaha w Iranje, Reza Pahlavi, kotryž je w eksilu w USA žiwy, přebywa dźensa w Berlinje. Oficialny termin za zastupjerjemi zwjazkoweho knježerstwa wón nima. Předewšěm konserwatiwne skupiny Iranjanow přeja sej jeho jako politiskeho nawodu iranskeje opozicije. Foto: pa/Sebastian Gollnow
Ćežke wobchadne njezbožo je so dźensa rano na statnej dróze S 101 pola Hrańcy stało. Po prěnich informacijach steješe tam při busowym zastanišću bus. Pólski transporter přijědźe ze směra Chrósćic a z dotal njeznatych přičin wotzady do busa zrazy. Nimo policije a wohnjoweje wobory běštej dwaj helikopteraj zasadźenej. Jednoho ze sobujěducych transportera dyrbjachu z jězdźidła wuswobodźić. Dohromady so sydom wosobow zrani. Foto: JKFOTOS/Jens Kaczmarek
Čitar Měrćin Wałda je w zwisku z wutornišim přilopkom „Wjele pjenjez, žadyn plan“ pod titulom „Zhromadnje – prjedy hač je přepozdźe“ swoje mysle napisał:W nowšim ameriskim filmje „Astronawt – Project Hail Mary“ dóńdźe ke globalnej katastrofje – z njej pak stanje so něšto njewočakowaneho: Američenjo, Rusojo, Chinjenjo a Europjenjo so zeńdu a wuradźuja, kak móhli zhromadnje postupować. Žana njedowěra, žana zwada, žana kompetencna rozkora. Jenož zhromadna wola, něšto wuchować, štož wšitkim słuša.A my? Widźimy film a myslimy sej: To by rjenje było! Abo dyrbi traš najprjedy ke katastrofje přińć? Serbja njesteja před kosmiskej katastrofu, ale před realnej: rěču, kotraž bywa dźeń a mjelčiša. Prašam so: Je tež mjez nami móžno, štož so w filmje radźi? Zo so zamołwići ludźo zetkaja? Serbja z Hornjeje a Delnjeje Łužicy a z diaspory. Towarstwa a zwjazki, kotrež hewak njedowěrliwje na so hladaja. Ewangelska a katolska strona. Aktiwisća a tradicionalisća. Młodźi a stari. A haj – tež němscy susodźa, ...
Štyri serbske lajske chóry, štyrjo spěwni solisća kaž tež chór a orchester Serbskeho ludoweho ansambla wuhotuja kónc tydźenja tři koncerty, na kotrychž předstaja oratorij „Nalěćo“ z kompozitoriskeho pjera Korle Awgusta Kocora. Cyłkowny nawod wukonja dirigentka SLA Katharina Dickopf. Bosćan Nawka je so z njej rozmołwjał.Knjeni Dickopf, kajka je powšitkowna nalada krótko do wulkeho wjerška?Wšitcy so wjesela, a wšitcy so ze zapalom wo to prócuja, zo so wšitko tak derje kaž móžno poradźi. Za to smy něhdźe měsacaj zwučowali a směm rjec, zo smy dosć derje přihotowani. Dźensa mamy składnosć, so na akustiske wobstejnosće w Budyskej tachantskej cyrkwi swj. Pětra nastajić, při čimž je mój hłowny nadawk zwěsćić, kak hodźi so homogeny zwukowy wobraz wutworić, zo by kóždy hłós a kóždy instrument zaklinčał, kaž měł zaklinčeć.Nic naposledk hladajo na dohromady nimale 160 sobuskutkowacych: Što běchu w běhu nastudowanja twórby najwjetše wužadanja? ...
Ida Hartrumpfec a Diana Lukašec (wotlěwa), bywšej šulerce Serbskeje wyšeje šule „Michał Hórnik“ Worklecy, stej so zawčerawšim w Berlinje na posedźenju jurorow młodźinskeho wubědźowanja „Časy přewróta“ wobdźěliłoj. Zarjadowar bě so do wubědźowanja mjez młodostnymi wobhonił, kotřiž běchu so na předchadźacym wurisanju wobdźělili, hač su zwólniwi, w jury sobu skutkować. Před lětomaj běchu šulerjo Worklečanskeho kubłanišća z filmom „Móšeń w zapadźe, korjenje pak we Łužicy“ 1. městno dobyli. Serbskej młodostnej běštej sej runja dalšim čłonam skupiny do posedźenja 25 wot cyłkownje 307 zapodatych přinoškow wobhladałoj a hódnoćiłoj. Wosebje měještej je z młodźinskeje perspektiwy hladajo na zwoprawdźenje, kreatiwitu a zajim posudźować. Foto: Ida Hartrumpfec
