Němska ma nowe knježerstwo, a mjeńšinowa rada diskutowaše wčera w Budyskim Serbskim muzeju z publikumom „narodne mjeńšiny po wólbach – refleksije, wužadanje, perspektiwy“.Budyšin (SN/mb). Samo najznaćiši re­prezentant Saterfrizow Karl-Peter Schramm bě wčera přichwatał, zo by sej podijowu diskusiju naposkał. Štož něhdźe 25 zajimcow – mjez nimi Budyski wyši měšćanosta Karsten Vogt (CDU), zapósłanča zwjazkoweho sejma Kathrin Michel (SPD) a zapósłanc krajneho sejma Marko Šiman (CDU) – w Serbskim muzeju zhoni, bě najprjedy wostrózbjace.

Worklečenjo přeproša do RalbicSo z dobyćomaj za sezonu 2024/2025 dźakować chcedźa so jutře w Ralbicach wolejbulisća prěnjeho wolejbuloweho mustwa muži Viktorije Worklecy. Wosebje wjeselili bychu so woni nad połnej trawersu, wšako so tež někotři wolejbulisća rozžohnuja.10.05.  14:00  Viktoria Worklecy –  VV Žitawa 09 I (m)10.05.  14:00  Viktoria Worklecy –  SC Freital I (m)Koparski derby w DelanachNjedźelu wotměje so wulki koparski derby mjez cyłkomaj Sokoła Ralbicy/Hórki a Módro-běłymi Kulow. Mustwje stej w tabulce ze samsnej ličbu dypkow (29) susodaj, Ralbičenjo pak maja wo wjele lěpši wrotowy poměr. Do Chrósćic přijědźe njedźelu Póst Germania Budyšin na dypkowu hru.10.05.  13:00  Wojerowski FC II –  ST Radwor10.05.  15:00  Rakečanske ST –  SG Großnaundorf11.05.  14:00  Budissa Budyšin –  ST Módro-běli Zorbau11.05.  12:30  HZ Ralbicy/Pančicy II –  Jednota Kamjenc11.05.  15:00  Sokoł Ralbicy/Hórki –  Módro-běli Kulow11.05.  12:30  SJ Chrósćicy II –  HZ Huska/Hodźij11.05.  15:00  SJ Chr ...

Fabian Kaulfürst a Jan Rjeda (wotpr.) na wječornym programje Foto: Jan JeškaMejemjetanje w Pančicach-Kukowje je we wsy kaž wulki wjesny swjedźeń. Wón nje­zwjazuje jenož młódšich a staršich, ale tež Pančicy a Kukow, wšako ludźo ze wšěch róžkow wobeju dźělow wulkeje wsy rady do Kukowa přichadźeja. Kłobuk na hłowje ma mjeztym hižo tójšto lět młodźinski klub, na kotrehož čole stejitaj tuchwilu Johannes Cyž a Lukaš Hoge.Lětuše mejemjetanje minjeny kónc tydźenja bě we wjacorym nastupanju wosebite. Wšako tónle swjedźeń mjeztym 35 lět na dźensa znate wašnje swjeća. K tomu słuša, zo je pjatk wječor wosebje młodźina na diskoteku přeprošena. Zo knježi při tym dobra nalada, je tež w trochu zdalenišich kónčinach wsy słyšeć.

Budyski wyši měšćanosta Karsten Vogt (CDU) dopominaše wčera popołdnju w swojej narěči składnostnje wopomnjeća 80 lět wuswobodźenja wot nacionalsocializma na to, zo njeměła žana generacija na struchłosć tehdyšeje doby zabyć a zo měła so rosćacym prawicarskim tendencam spřećiwjeć. Na Budyskim wopomnišću za padłych sowjetskich wojakow, njedaloko kamjenja, kiž na pólskich padłych dopomina, rěčeše tež předsydka městneho zwjazka Lěwicy Andrea Kubank. Mjez přitomnymi, kotrychž bě zhromadźenstwo wot nacionalsocializma přesćěhanych – Zwjazk antifašistkow a antifašistow (VVN-BdA e.V.) přeprosyło, běchu tež někotři Serbja. Foto: SN/Bojan Benić

Budyska narěč z promijomBudyšin. Ilko-Sascha Kowalczuk je jako punk mjez němskimi historikarjemi znaty. Sam wopisuje so jako „fanatikar swobody“. Dźensa wječor, w 19 hodź. rěči Kowalczuk­ w Budyskej tachantskej cyrkwi we wobłuku Budyskeje narěče. Wón apeluje na wotewrjenu towaršnosć na zakładźe demokratije. Na kóncu narěče wotměwa so rozmołwa z publikumom. We 18 hodź. budźe na tymle městnje měrowa modlitwa.Nalětni koncert SlepjanowDelni Wujězd. Serbski folklorny ansambl Slepo wuhotuje sobotu, 10. meje, we 18 hodź. nalětni koncert w cyrkwi w Delnim Wujězdźe. Partner ansambla je towarstwo ZAHRODKA 1921.Swójske wuměłstwo tworićWojerecy. Na Dźeń maćerje, njedźelu, 11. meje, přeprošuje Wojerowski měšćanski muzej w 15 hodź. na wotewrjenje wustajeńcy „67 / 90 / 99“, kotrež su symbol­ za generacije, nazhonjenja a žiwjenske linije. Ricarda Müller a jeje dźowce předstaja swoje wuměłske twórby. Su to fotografije ze škleńčanej kulu, cyanotypija a molerstwo. Wot 16 hodź. je składnosć za wšitkich wo ...

Wjele pilnych wjesnjanow pomhaše minjene tydźenje při zakónčenju twarskeho projekta na kupje we Worklecach. Tři ­lěta ­dołho su jón planowali a na nim dźěłali. Do kupy komunikacije, kreatiwity a kultury, kaž oficialne pomjenowanje rěka, ­inwestowachu něhdźe 290 000 eurow z myta wubědźowanja Simul+ a spěchowanja z programa za witalne wjesne srjedźišća. Njedźelu, 11. meje, w 13.30 hodź. chcedźa kupu z nowym multifunkcionalnym twarjenjom, ze šćežkami a hrajkanišćom ­zjawnosći přepodać. Na to přeprošuja zajimcow na mejemjetanje, kotrež so tomu přizamknu. Foto: Julius Paška

Přezahe je smjerć čłona zwjazka serbskich rjemjeslnikow a předewzaćelow Hagena Wjacławka wotwołała. Wšako by 20. julija swoje 60. narodniny swjećił. Hnydom po studiju w Mnichowje je so jako diplomowy inženjer z mysličku nosył, so zesamostatnić. Dwě lěće je hišće nazhonjenja w Drježdźanach zběrał. W lěće 1995 spjelni sej són ze swójskej firmu jako planowar za potrjebu energije. Za to je sej něhdyšu Winarjec pjekarnju w ródnej wsy w Chelnje za trěbne běrowowe rumnosće přetwarił a swojim sobudźěłaćerjam přijomne dźěłowe rumnosće skićił. Jedyn z jeho wulko­projektow bě zastaranje šule, cyrkwje a wjetšiny domjacnosćow z ćopłotu w Radworju. Je to wusahowacy projekt w srjedźnej Europje, zo hodźi so wjes z wotpadkow dejneho kombinata a pólnych bioproduktow z ćopłotu zastarać. Na wjele dalšich tajkich wulkonadawkach, zastaranje z milinu nastupajo, bě jeho firma wobdźělena, na přikład w Mnichowje, Drježdźanach a druhdźe.

Marko WjeńkaKóždy raz, hdyž moja wowka wo kóncu Druheje swětoweje wójny rěčeše, dyrbjach ju wuporjedźić. Jako chowanc socialistiskeje šule NDR wězo wědźach, zo njeběchu to „Rusojo“, kiž běchu 1945 z wuchoda do Němskeje přišli, ale „sowjetscy wojacy“ a zo njebě to kónc wójny, ale „wuswobodźenje“. Dźiwach pak so, zo wona mojim mudrosćam mjelčeše.Pozdźišo zhonich, zo njebě wuswobodźenje Łužicy jenož krawny a smjertny dóńt tysacow wojakow, ale zo dyrbješe tež ciwilna ludnosć hrózbu wójny dožiwić, kotruž njebě zawinowała. Po politiskim přewróće je Beno Budar wšelake dožiwjenje serbskich žonow dokumentował. Nowy film Dolina smjerće serbskeho studija Wuhladka tole tohorunja tematizuje. W nim so wuraz „wuswobodźenje“ lědma jewi. Hdyž dyrbješe wobydlerka w Baćonju tehdy jako dźěćo dožiwić, kak pólscy wojacy jeje nana, kiž bě jich jako wuswobodźerjow witał – krjuduja a skónčnje morja, wuraz wuswobodźenje woprawdźe njetrjebaš. Wot wojakow wumocowane serbske žony a holcy so tež wuswobodźene nječuj ...