Serbske Nowiny wudawaja so w Domowina-Verlag GmbH Ludowym nakładnistwje Domowina
Jednaćel: Syman Pětr Cyž
Ludowe nakładnistwo Domowina tzwr spěchuje Załožba za serbski lud, kotraž dóstawa lětne přiražki z dawkowych srědkow na zakładźe hospodarskich planow, wobzamknjenych wot Němskeho zwjazkoweho sejma, Krajneho sejma Braniborskeje a Sakskeho krajneho sejma.
Šefredaktor a zamołwity redaktor w zmysle
nowinarskeho zakonja: Marcel Brauman 577 232/233 Naměstnik šefredaktora: Axel Arlt 577 238
tel.: 03591 / 577 232 faks: 03591 / 577 202 e-mail: www.serbske-nowiny.de
Adresa redakcije a nakładnistwa: Sukelnska 27, 02625 Budyšin
Adresse der Redaktion und des Verlages: Tuchmacherstraße 27, 02625 Bautzen
Zamołwita za rozšěrjenje a marketing:
Patricia Róblowa 577 273
Předań nawěškow: Janka Rögnerowa 577 220 e-mail:
Ćišć: DVH Weiss-Druck GmbH & Co. KG, Lejnjanska 14, 02979 Halštrowska Hola, wjesny dźěl Hory
Vertriebskennzeichen: 2 B 2560 B
To a tamne (18.06.24)
„Chaotiske poměry“ wokoło hry Jendźelskeje přećiwo Serbiskej na europskich koparskich mišterstwach w Gelsenkirchenje zamołwitych zaběra. Mjeztym zo rěča zamołwići města wo pozitiwnej bilancy, kritizuje zwjazk jendźelskich fanow FSA njeznjesliwe poměry nastupajo transport jendźelskich přiwisnikow. Tak dyrbjach pječa po hrě tři hodźiny na bus čakać. Město šwika zadźerženje jendźelskich fanow, kotrež su busy wobškodźili a wospjet nuzowe borzdźidło wužiwali.
Policista do nohi kusnyła je wopita žona w Nürnbergu. Na lětanišću nochcychu pjanu 43lětnu do lětadła do Londona pušćić, na čož wona chětro agresiwnje reagowaše. Policisća ju sputachu a sobu wzachu. Na policajskej straži so wona dale wobaraše a policista kusny. Druheho zastojnika wona drapny. Nětko přećiwo njej ranjenja ćěła dla přepytuja.
Relikwija so nawróćiła
Mnichow (B/SN). Kardinal Reinhard Marx je njedawno spominał na swjateho Bena, patrona Mnichowa, a je w prědowanju wuzběhnył, zo njedźelu zwony cyrkwje wšěch ludźi přeprošuja. „Bóh bydli wosrjedź města, sće k nam witani, přińdźće!“ W lěće 1580 bě Mišnjanski biskop relikwije swjateho Bena katedrali w Mnichowje přepodał. Tak sta so sakski biskop z „bayerskim“ swjatym. 16. junija nětko bu relikwija, dźělčk kosćow swjateho Bena, biskopej Timmereversej zaso do Drježdźanskeje katedrale wróćena.
Nowa wuchowanska łódź
Regensburg (B/SN). Pomocnej organizaciji Sea-Eye a United4 Rescue pósćeletej lětsa w lěću dalšu wuchowansku łódź za ćěkancow na Srjedźne morjo. Ewangelska cyrkej w Němskej (EKD) je hromadźe z 900 partnerami zběransku akciju startowała, zo by kóšty 465 000 eurow zwjesć móhła.
Rozprawa wo žiwjenju židow
Lěkarka atestow dla do jastwa
Drježdźany (dpa/SN). Dwě lěće a wosom měsacow do jastwa dyrbi domjaca lěkarka z Moritzburga pola Drježdźan, dokelž bě za čas koronapandemije wopačne atesty rozdźělowała. Nimo toho wumjetuje sudnistwo 67lětnej jebanje a ranjenje zakonja wo brónjach. W sudniskej žurli dóńdźe k tumultam, jako sudnik wusud wozjewi. Statne rěčnistwo bě sej štyri lěta a dźesać měsacow trajace jastwo žadało. Z atestami njetrjebachu ludźo nahubniki nosyć, so šćěpić abo so testować dać.
Rozdźěla wodźace zastojnstwa
Brüssel (dpa/SN). Statni a knježerstwowi šefojo EU su so dźensa w Brüsselu zešli, zo bychu wo rozdźělenju wodźacych zastojnstwow EU wuradźowali. Prezidentka komisije Ursula von der Leyen nadźija so podpěry za dalšu dobu zastojnstwa. Tež wo předsydźe Europskeje rady a wo społnomócnjenym za wonkowne naležnosće chcychu rozsudźić. Něhdyši ministerski prezident Portugalskeje António Costa chcył nawodnistwo rady EU přewzać.
Kritizuje nawodnistwo SPD
Z hašenskimi helikopterami spyta wohnjowa wobora w zwjazkowym staće ...
Mjenje pjenjez Ukrainjanam?
Baerbock za dalšu pomoc Ukrainje
Kretschmer: Zhromadnje jednać
Lubij (dpa/SN). Sakski ministerski prezident Michael Kretschmer (CDU) žada sej strony přesahowace dźěło w centralnych prašenjach. „Je na času, jednać. W někotrych centralnych prašenjach, kotrež kraj woprawdźe zaběraja, dyrbimy nětko strony přesahujo rozrisanje namakać“, rjekny Kretschmer minjenu sobotu na zjězdźe sakskeje unije w Lubiju. Jako přikłady mjenowaše wón migraciju a energijowu politiku. „Ludźo dyrbja widźeć, zo so něšto na dobro kraja stawa. Potom woni knježerstwu zaso dowěrja.“
Na spočatku swojeje hodźiny trajaceje narěče ćehnješe Kretschmer bilancu swojeho zastojnstwa wot lěta 2017. Wón přirunowaše dźěło knježerstwa z wuspěšnej hru narodneje wubranki pjatk wječor na europskich mišterstwach: „Smy zahoriće wojowali, běchmy profesionalni a dobre mustwo. To bě zakład wuspěcha.“ Wólby 1. septembra su Kretschmerej „najwažniše wuhibki do přichoda“. Při wólbach 9. junija bě AfD w Sakskej CDU čućiwje porazyła. Na kóncu wobzamknychu delegaća nowy program za Saksku.
Atomowy strach spochi přiběra
Kóždolětna rozprawa měroweho slědźenskeho instituta w Stockholmje
Stockholm (dpa/SN). Atomowe mocy spušćeja so hladajo na mjezynarodne konflikty dale a bóle na nuklearne wottrašenje. Ličba zasadźenja kmanych atomowych bombow spochi přiběra, z dźensa wozjewjeneje kóždolětneje rozprawy Stockholmskeho měroweho slědźenskeho instituta Sipri wuchadźa. Fachowcy zwěsća, zo su wójska drje stare „rozbuchanske hłójčki“ wutwarili a zo ličba atomowych bróni po wšěm swěće woteběra. Na druhim boku pak wójska ličbu atomowych bobow, kotrež su stajnje zasadźomne, raznje zwyša.
Tež mnóstwo nowych a technisce dale wuwitych nuklearnych bróni spochi přiběra. Wot cyłkownje trochowanych 12 121 atomowych bróni w januaru 2024 bě něhdźe 9 585 we wojerskich składach za zasadźenje přihotowanych. Něhdźe 3 904 tutych rozbuchadłow běchu na raketach a lětadłach připrawjene, 60 wjace hač 2013. Zbytk leži w składach.
Serbske Nowiny wudawaja so w Domowina-Verlag GmbH Ludowym nakładnistwje Domowina
Jednaćel: Syman Pětr Cyž
Ludowe nakładnistwo Domowina tzwr spěchuje Załožba za serbski lud, kotraž dóstawa lětne přiražki z dawkowych srědkow na zakładźe hospodarskich planow, wobzamknjenych wot Němskeho zwjazkoweho sejma, Krajneho sejma Braniborskeje a Sakskeho krajneho sejma.
Šefredaktor a zamołwity redaktor w zmysle
nowinarskeho zakonja: Marcel Brauman 577 232/233 Naměstnik šefredaktora: Axel Arlt 577 238
tel.: 03591 / 577 232 faks: 03591 / 577 202 e-mail: www.serbske-nowiny.de
Adresa redakcije a nakładnistwa: Sukelnska 27, 02625 Budyšin
Adresse der Redaktion und des Verlages: Tuchmacherstraße 27, 02625 Bautzen
Zamołwita za rozšěrjenje a marketing:
Patricia Róblowa 577 273
Předań nawěškow: Janka Rögnerowa 577 220 e-mail:
Ćišć: DVH Weiss-Druck GmbH & Co. KG, Lejnjanska 14, 02979 Halštrowska Hola, wjesny dźěl Hory
Vertriebskennzeichen: 2 B 2560 B
