E-awta prědku
Předaću zadźěwać
Krah njeje na wikach witany
Kancler hišće hotowy njeje
Popjelnu srjedu znowa składnosć za politisku wadźeńcu była
Trier/Apolda/Passau/Vilshofen (dpa/SN). Zwjazkowy kancler Friedrich Merz (CDU) so wo druhu legislaturnu periodu po planowanych wólbach zwjazkoweho sejma w lěće 2029 prócuje. „Planuju, tole trochu dlěje činić“, rjekny 70lětny na politiskej popjelnej srjedźe w Trieru a skedźbni na to, zo bě jeho nan w januaru starobu 102 lět docpěł. Na samsnym městnje sej Merz změnu mentality za wjace wukonliwosće žadaše, zo by so naš kraj dale wuwiwał. „Lifestyle a štyridnjowski dźěłowy tydźeń – to je wšo rjenje, to móža wšitcy rady činić“, rjekny wón na zarjadowanju. „Ale jeli chcemy sej swoje derjeměće zdźeržeć, dyrbimy so nětko wšitcy zhromadnje gratu přimać a so wo to prócować, zo w tutym kraju zaso woprawdźe dobre wukony nadźěłamy.“ Tež na zjědźe CDU pjatk w Stuttgarće chcedźa so z tutej tematiku zaběrać.
Chcemy tule podpěru?
To a tamne (19.02.26)
Kocoraj Hubert a Staller stej zaso zjednoćenej. Při přećahu do Budyskeho wokrjesa běštaj muž a žona nimo swojich zmachow tež Stallera, jednoho z Birma-kocorow susodki, sobu wzałoj. Ta policiji swój podhlad zdźěli, zo staj susodaj kocora pokradnyłoj. Jako Budyscy zastojnicy zwěrjo w nowym bydlenju porika pytachu, spyta muž kocora hišće přez terasu won pušćić, štož pak so jemu njeporadźi. Za kocorow so šmjatańca zbožownje skónči, wšako policisća Stallera zaso k Hubertej dowjezechu.
Kulowate pječwo z mjenom „Amerikančan“ mnozy znaja. Pjekarni w Lüneburgu pak tute pomjenowanje lětsa hižo hódź njebě. Hdyž je w nalěću zaso do sortimenta wozmu, ma w filialach pjekarnje Harms „Grönlandźan“ rěkać. Za słódkosć wabja ze sloganom: „Make cake not war“ („Čińće tykanc město wójny“).
Projekty Wojerowskeje serbskeje přirady wohrožene
Wojerecy (AK/SN). Wuměnjenja za Wojerowsku přiradu za serbske naležnosće su so pohubjeńšili. Město dotal dwanaće smě so nětko jenož hišće štyri razy wob lěto schadźować. „To tež rěka, zo smy połojcu našich dwanaće planowanych projektow najprjedy raz wróćo stajić dyrbjeli“, praji předsydka přirady Evelin Graf. „Za zbywace projekty chcemy próstwu wo wosebite posedźenje zapodać.“
Spočatk lěta běštej přirada za zbrašenych a přirada seniorow zjawny list přećiwo skrótšenjam města we wobłuku přiradow wozjewili. Město běše jej prosće zjednoćiło. Serbska přirada wostanje samostatna, wona pak je pismo podpěrowała. „Sym za to, zo měšćanska rada swój rozsud koriguje, zo tři přirady dale wobsteja a so tak husto kaž trjeba schadźuja“, wuzběhnje Graf.
Za wjednistwo šulow so přizjewić
BSW skóržbu zapodał
Berlin/Karlsruhe (dpa/SN). Zwjazk Sahry Wagenknecht (BSW) so přećiwo wuslědkej wólbow do zwjazkoweho sejma w lěće 2025 wobara. Nětko so zwjazkowe wustawowe sudnistwo ze skóržbu zaběra. BSW je skóržbu wo pruwowanje wólbow, kotruž běchu připowědźili, najwyšemu němskemu sudnistwu zapodał. Předsydka strony Amira Mohamed Ali rjekny magacinej Stern, zo je sej BSW wěsty, zo bě wuslědk zwjazkowych wólbow, kajkiž běchu wozjewili, wopačny.
Jednanja dale bjez wuslědka
Genf (dpa/SN). Jednanja mjez Ukrainu a Ruskej wo kóncu mjeztym štyri lěta trajaceje wójny su po wšěm zdaću dale bjez wuspěcha. Prěni z dweju jednanskeju dnjow su w Genfje bjez substancielnych wuslědkow zakónčili. Po informacijach ruskich medijow je situacija chětro napjata. Ukraina so dale spjećuje, swojich wojakow z wuchodneju teritorijow Luhansk a Donezk cofnyć. Wo wšěch dojednanjach měła ludnosć Ukrainy w formje referenduma wothłosować, rjekny ukrainski prezident Zelenskyj.
Socialne medije zakazać
