Za njewšědnu wustajeńcu
Slepo (SN). Za projekt „Pytarjo wutroby“ poda so skupina dźěći Slepjanskeje wyšeje šule „Dr. Marja Grólmusec“ minjeny tydźeń na wsy Slepjanskeje wosady. Šulerjo pytachu tam za „wosebitostkami“, kotrež jich wjes wučinjeja. Wotkryć chcychu wšelake wobrazy, zwuki, wónje a wopřijeća. Ze zezběraneho materiala nastanje zhromadna wustajeńca, kotruž šulerjo po swójskich předstawach wuhotuja. Tak móžemy wćipni być na njewšědnu přehladku, kajkaž hišće ženje na wsach podłu Strugi přistupna njebě. „Pytarjo wutroby“ je projekt Spěchowanskeho towarstwa Łužiski hórniski muzej Hórnikecy hromadźe z tamnišej energijowej fabriku, z Domowinu a ze Slepjanskej wyšej šulu.
Na huslerski koncert
Korzym (SN). Na koncert „Mój Paganini“ z huslerjom Florianom Mayerom z Drježdźan přeproša galerija Flox jutře, 3. junija, w 20 hodź. do Korzymskeho domu „Im Friese“. W přestawce budźe interview z molerjom Stephanom Popellu. Zastup płaći 15 eurow.
Zhromadny abonement poskićeć
Z intensiwnišim zhromadnym dźěłom Němsko-Serbskeho ludoweho dźiwadła a Serbskeho ludoweho ansambla měli so dotal njewužiwane potenciale wotkryć. Kulturny a kubłanski wuběrk wokrjesneho sejmika Budyšin je so wčera z maćiznu zaběrał.
Budyšin (SN/at). NSLDź a SLA stej so na to dojednałoj, zo chcetej wot hrajneje doby 2016/2017, nanajpozdźišo pak 2017/ 2018 zhromadny sparty přesahowacy abonement ze štyrjomi do pjeć zarjadowanjemi w serbskej rěči poskićeć. Tole čitaš w informaciji wo kónčnej rozprawje k wuwiću naprawow, wužiwać potenciale přez intensiwniše zhromadne dźěło wobeju kulturneju zarjadnišćow.
Župa Delnja Łužica
Mužakowski zahork je global geopark UNESCO
Němsko-pólskemu geoparkej Mužakowski zahork su sobotu na swjedźenskej žurli Mužakowskeho Noweho hrodu oficialnje titul UNESCO Global Geopark spožčili.
Mužakow (SN). „Z tutym wuznamjenjenjom hódnoći organizacija Zjednoćenych narodow za kubłanje, wědomosć a kulturu UNESCO jónkrótne geologiske, hospodarske a kulturnohistoriske wuwiće regiona na mjezy mjez sakskej Běłej Wodu, braniborskim Derbnom a pólskej Łęknicu“, rjekny sakski minister za přirodu Thomas Schmidt (CDU) na přepodaću wopisma. W zwisku z turistiskim zwičnjenjom předstaja pólske a němske geoparkowe towarstwo zhromadnje z komunami zajimawe geologiske městna a temy w formje geošćežkow, a we wopytowarskich srjedźišćach informuja wo zažnych stawiznach zemje.
Wustajeńca wuwabja zajim a připóznaće
Biskopicy (AW/SN). Z wulkim zajimom přijimowaše połsta zajimcow, mjez nimi zapósłanča Sakskeho krajneho sejma Patricia Wissel (CDU), na wotewrjenju wustajeńcy „JASYM – DRUHI WID“ minjeny pjatk wječor na žurli Biskopičanskeje radnicy dźěła šěsć serbskich tworjacych wuměłčow. „Wuměłske eksponaty rozestajeja so hłuboko emocionalnje z přitomnosću“, zwurazni mjez druhim Biskopičanski wyši měšćanosta prof. dr. Holm Große (njestronjan) při powitanju. Čłon předsydstwa Zwjazka serbskich wuměłcow a nawoda projekta Tomasz Naw-ka podźakowa so měšćanskemu zarjadnistwu za zhromadne dźěło a předstaji přitomnym swoje towarstwo.
W Němskim muzeju danskeho Sønderborga su sobotu we wobłuku ...
Rozsudne su korjenje
Naročne teksty šulerjow w Kamjencu mytowali
Napjate a naročne teksty wuznamjenjeja tež lětušich dobyćerjow Lessingoweho šulerskeho pisanskeho wubědźowanja, kotrež tradicionalnje Kamjenski Lessingowy muzej wuhotuje.
Kamjenc (SN/at). Derje, zo nimaja čłonojo jury Lessingoweho šulerskeho pisanskeho wubědźowanja wobraz awtorki a awtora před sobu, pytaja-li najlěpše přinoški. Tale jich napjatosć traje hač do wokomika, hdyž stupja šulerjo 8. do 12. lětnika w Kamjenskim měšćanskim dźiwadle doprědka, zo bychu myto za najlěpše dźěła přijeli. Hižo minjene lěta bě to wulka překwapjenka, hdyž sy po zeznajomjenju z tekstom jeho awtora abo awtorku zeznał. Tónle dostojny wokomik su minjeny pjatk znowa dožiwili.
Čitajće w nowym rozhledźe (27.05.16)
Abonenća dóstanu přichodny tydźeń zaso nowy Rozhlad do swojeho chěžineho abo elektroniskeho listoweho kašćika. Wšěch tamnych njech wabi přehlad wo jeho wobsahu, čitać přichodne wudaće.
