Nadal z powětra pomhaja
Berlin (dpa/SN). Zwjazkowa wobora je při lětach nad Gazaskim pasmom dotal 192 tonow tworow jako pomoc ludnosći z padakami na zemju pušćiła. Cyłkownje organizowachu 18 lětow, zdźěli rěčnica zwjazkoweho zakitowanskeho ministerstwa w Berlinje. Zwjazkowa wobora budźe ze swojej zhromadnje z druhimi statami organizowanej pomocu znajmjeńša hišće tydźeń pokročować.
Wukony jenož hišće jako kredit
Berlin (dpa/SN). Dwaj krajnaj radźićelej SPD z Durinskeje sej žadataj, zo maja požadarjo azyla, kotřiž su połnolětni a připóznaći ćěkancy, kaž tež wukrajnicy, kiž njepochadźeja z kraja EU, socialne wukony jenož hišće jako požčonku dóstawać. „Štóž do našeho kraja přińdźe a tu dotal do socialneje kasy płaćił njeje, smě socialne wukony jenož hišće jako kredit bjez danje dóstawać“, praji krajny rada wokrjesa Nordhausen Matthias Jendricke w magacinje „Stern“. Fungować ma kredit podobnje kaž Baföga za studowacych: Štóž spěšnje dźěło přiwozmje, trjeba jenož dźěl přijimanych wukonow wróćo płaćić.
Tafla w chětro nuzy
Čłonojo Grjekskeje dźěłaćerskeje fronty PAME su dźensa ...
Žadaja sejwjace mzdy
Měna bitcoin dale a woblubowaniša
Trump do zeńdźenja Putinej hrozył
Washington/Berlin/Kijew (dpa/SN). Do jutřišeho wjerška w Alasce, hdźež so prezident USA Donald Trump zeńdźe z ruskim prezidentom Wladimirom Putinom knježi wulka nadźija, ale tež strach. Europske staty a zastupjerjo Kijewa drje sobu za blidom njesedźa, za kotrymž budźe so wo wójnje w Ukrainje wuradźować. Wčera pak su Trumpej sposrědkowali, što měło z jich wida poselstwo Putinej być. Prezident USA bě Putinej hižo do toho z „jara wulkimi konsekwencami“ hrozył, jeli so statny šef Ruskeje za skónčenje wójny njezasadźi, kotruž bě sam přikazał. „Puć k měrej njemóža bjez Ukrainy postajić, a jednanja změja jenož wuslědk, hdyž knježi přiměr“, ukrainski prezident Wolodymyr Zelenskyj potwjerdźi. W tym su sej podpěraćeljo Ukrainy w tak mjenowanej koaliciji zwólniwych přezjedni, pisaše wón na platformje X.
Ze zwjazkowym kanclerom Friedrichom Merzom (CDU) je so Zelenskyj wčera z Berlina sem wobdźělił na widejowej konferency tutoho zwjazka z něhdźe 20 krajemi a Trumpom.
Chcedźa ličbu wjelkow regulować
EU je škitny status rubježneho zwěrjeća wobmjezowała – prěnje kraje reaguja
Innsbruck/Bozen/Podstupim (dpa/SN). Wjelk je tema, wo kotrymž so ludnosć wadźi. Někotři maja rubježne zwěrjo za wažny dźěl přirody, druzy měnja, zo wužitne zwěrjata a čłowjeka wohrožuje.
Njedawno je so na runinje EU škitny status wjelka změnił, čehoždla je hońtwa we wěstych padach nětko móžna. Jelizo dźe po awstriskim zwjazkowym kraju Tirolu, ma so wjace wjelkow zatřělić. Zaměr měł być, rubježne zwěrjo regularnje z lětnej kwotu likwidować, zwurazni nětko ministerski prezident Tirola Anton Mattle (ÖVP). Awstriski ratarski minister Norbert Totschnig (ÖVP) ma rozsud EU za prawy puć. „Njeńdźe jenož wo burow w horach, kotrychž wowcy wjelki zakusaja.“ Wjelk je so tež hižo do sydlišćow a na hrajkanišća zadobył. W Awstriskej wukonjeja ratarjo a turistiske hospodarstwo wulki ćišć, zo so něšto přećiwo wjelkam čini. Hórske łuki, na kotrychž kruwy, wowcy a kozy plahuja, su hospodarsce wuznamne a tež powabk za turistow.
Mjenje hysterije prošu
Pjenjezy za železnicu w parku
To a tamne (14.08.25)
Žona je blisko Lüneburga trut nad baćonjace hnězdo wodźiła, tak zo su ptački hnězdo wopušćili. Policija pad nětko přepytuje – podhlada přeńdźenja přećiwo zwjazkowemu zakonjej za škit přirody dla. Baćony bě trut najskerje hižo něhdy kónc meje abo spočatk junija zahnał. Pječa běchu wobydlerjo žonu tehdy namołwjeli, zo njech přestanje baćony mylić. Trut pak je do hnězda zalećał a tam ležo wostał. Hakle spočatk tohole tydźenja je zamołwity za přirodoškit trut z hnězda wućahnył.
Ćeknjeny kóń je wčera regionalnu železnicu pola Marburga nuzował zastać. Wodźer ćaha nadobo šumjela wuhlada, kotryž podłu kolijow běžeše. Jako so zwěrjo direktnje na kolije měrješe, wón zasta, zo móžeše kóń kolije přeprěčić. Policija je skónčnje přijěła, konja popadnyła a wobsedźerja wuslědźiła.
Kwota jasnje přiběra
Magdeburg/Drježdźany/Erfurt (dpa/SN). W Sakskej, Saksko-Anhaltskej a Durinskej ma dźeń a wjace wuměnkarjow dawki na swoju rentu zapłaćić. W Saksko-Anhaltskej je kwota z 73,2 procentomaj po cyłym Zwjazku najwyša, w Durinskej (73,0 proc.) a Sakskej (72,8 proc.) je podźěl nimale runje tak wysoki. Wo tym swědča ličby zwjazkoweho statistiskeho zarjada, za kotrymiž je so zwjazkarstwo Sahry Wagenknecht (BSW) naprašowało. We wšěch zwjazkowych krajach je kwota minjene dźesać lět přiběrała.
Dalše straty hłosow móžne
Osnabrück (dpa/SN). Politologa Wolfgang Schroeder praji, zo móže nalada SPD po sto dnjach w knježerstwje hišće dale woteběrać. „SPD njewustupuje widźomnje dosć a móže jenož ćežko kompromisy wotzamknyć. Strach, zo socialdemokraća mjenje hač dźesać procentow hłosow wolerjow dóstanu, je definitiwnje realny“, wědomostnik wuswětli. Wón bě hač do lěta 2024 čłon komisije za hódnoty w SPD. Strona dyrbi dobru socialnu politiku wukonjeć.
Zelenskyj wosobinsce přijěł
