Wšojedne, hač k pěstowarni přińdźeš abo so wot njeje wotsališ – při přewinjenju nahłeho přijězda trjebaš profesionelnu pomoc. Derje, zo je dosć zwólniwych, kotřiž z powjazom

a karu pomhaja.

Ze mnu na kóždu horu

Po telko lětach wučerjenja sym so nětko rozsudźił so zesamostatnić a swój hobby jako powołanje dale wjesć. Ze swo­jimi wjelelětnymi nazhonjenjemi w alpin­­skim kro­sno­wanju móžu wšitkim staršim Chró­šćan­skich pě­stowar­skich dźěći pomhać, kak woni wšědne hórske krosno­wanje do noweho kubłanišća derje zmištruja. Poradźuju tohorunja při wuběru praweho wuhotowanja. Po po­trjebje wupožčuju tež dychanske nastroje.

Achim Mič, Sulšecy

februar – mały róžk

Katolska wulkowosada „Podłu Klóšterskeje wody“ je załožena. Jeničce Ra­dworčenjo zboka serbskeho highwayja Horjany–Delany „mu­rjuja“. Biskop planuje konsekwency hladajo na „Alojsowych rokoće­rjow“. Cyr­kwinska histori­karka Lubina Malinkowa namołwja Radwor­skich katolikow w zwisku z 500. róčnicu reformacije, so z Rom­skeho diktata wuswobodźić a jako ewangelska wosada so znowa załožić: „Přichod je zaručeny, přetož potom móža so tež žony w Radworju z fararku stać.“

januar – wulki róžk

Najwoblubowaniše mjeno lěta 2016 w Serbach bě Kata-Strofa. Za wjetšinu serbskich staršich je pomjenowanje typiske serbske z němskim přizynkom. Slědujetej mjenje Hana­lipa­ a Mariju­-Hana. Za hólcow faworizowachu kusk spěrawe mjena kaž Dawid­ko­porfilt, Martini­teenie a Dźordź­klow­nij. Hladajo na ličbu porodow wopokazachu so naše serbske gmej­ny zaso jako najpłódniše cyłeje Sakskeje. Zwěsćili pak tež su, zo porody w Drježdźa­nach čujomnje přiběraja.

meja – róžownik

„Witaj“ rěka oficialnje „božemje“. No­wa před­sydka załožboweje rady Susann Šen­kec je znate žohnowančko „w Božim mjenje“ hladajo na wulku potrjebu wučerjow a kubła­rjow za nowy slogan RCW postajiła. Ludmila Budarjowa měni, zo njejsu pěstowarnje w no­šer­stwje SŠT na zasady RCW wjazane. „Nowe mjeno njewupraja ničo wo wu­spěchu Witaj- projekta“, praji nawodnica RCW dr. Beata Brě­zanowa. Wona chce wšit­kich do diskusije za­při­jatych nimo Buda­rjoweje na kofej přepro­syć.

apryl – jutrownik

Poslednja žona w serbskej narodnej drasće je na prawdu Božu wotešła. Załožba za serb­ski lud chce marketingowy dezaster z nowej słužb­­nej drastu za wšitke serbske institucije wo­beńć. Załožbowa městošefowka Micha­e­la Mošowa je hnydom modowy projekt ini­ciě­ro­­wała, na kotryž je designerow Karla ­La­gerfelda­, Wolfganga Joopa a Jil Sander pře­prosyła. Woni maja nětko z tradicional­neje narodneje drasty načasne modowe modele wu­wić.

junij – smažnik