Ekscelenca je wuspěšna stawizna
Pitna kultura
Budźe herbstwo?
To a tamne (11.11.22)
Wosebity swětowy rekord docpěštaj wčera mužej w Hamburgu, jako rozbištaj kokosowe worjechi a napojowe tyzki. Tři nowe swětowe rekordy buchu tak w hanseatiskim měsće nastajene, zdźěli Němski institut rekordow, kotryž płaći jako němskorěčny pendant ke „Guinnessowej knize rekordow“.
Město Köln dźěli so wot hoberskeho přestrjenca, na kotrymž staj w 1960tych lětach na swjatočnych přijećach w radnicy Queen Elizabeth II. kaž tež prezident USA John F. Kennedy stałoj. Nětko ma awkciski dom přestrjenc 17. nowembra přesadźić.
FUEN reaguje „z wobžarowanjom“ na wusud
Sudnistwo Europskeje unije je skóržbu wuběrka wobydlerskeje iniciatiwy Minority Safepack (MSPI) nastupajo nowe prawniske rjadowanje Europskeje komisije za škit narodnych a rěčnych mjeńšin na zakładźe žadanjow MSPI z wčera wozjewjenym wusudom wotpokazało. Dotalne naprawy EU w tym zwisku po słowach sudnikow „dosahaja, zaměry MSPI zwoprawdźeć“.
Zwjazkowy sejm wothłosował
Berlin (dpa/SN). Zwjazkowy sejm je dźensa dopołdnja wo wažnych zakonskich předewzaćach amploweje koalicije wothłosował. SPD, Zeleni a FDP mějachu wotpohlad, planowany wobydlerski pjenjez wobzamknyć. Dotalny system Hartz IV ma so z tym kónc lěta narunać. Dalše temy wothłosowanja běchu nowe hranicy dochodoweho dawka, z kotrymiž maja so wuskutki wysokeje inflacije wurunać a reforma bydlenskeho pjenjeza.
Widźi hišće šansu na wjetšinu
Washington (dpa/SN). Prezident USA Joe Biden je wuzběhnył, zo móhli jeho demokraća wjetšinu w Domje reprezentantow přeco hišće zakitować. Za wjetšinu w parlamentowej komorje US-kongresa je 218 městnow trěbnych. Po dźensa dopołdnja předležacych wuslědkach abo prognozach ležachu republikanojo z 206 městnami prědku, demokraća ličachu 187 městnow. Z tutymi wuslědkami wobrysuje so snadna wjetšina 220 hłosow za republikanow.
Chcedźa wróćodobywanje haćić
Iniciatorojo peticije k wotstronjenju pěstowarskeho popłatka ...
Dźěćacy pjenjez klětu jasnje wyši
Berlin (dpa/SN). Swójby dóstanu klětu wjace dźěćacych pjenjez hač dotal planowane. Frakcije amploweje koalicije wobzamknychu wčera w financnym wuběrku zwjazkoweho sejma, statnu podpěru wot 1. januara na jednotnje 250 eurow měsačnje powyšić. Tež unija je po informacijach powěsćernje dpa tomu přihłosowała. „Wjeselu so, zo je so poradźiło, swójby jasnje sylnišo wolóžić a dźěćacy pjenjez hišće raz zwyšić“, wuzběhny zwjazkowa swójbna ministerka Lisa Paus (Zeleni). Zwjazkowy sejm ma dźensa nowym sadźbam přihłosować. Wysoke płaćizny za žiwidła, podruž a energiju su swójbam z mało dochodami wulke wužadanje. Za swoje žiwjenske wudawki dyrbja wjace pjenjez nałožować hač domjacnosće bjez dźěći.
Za prěnjej dźěsći dóstanje swójba měsačnje přichodnje stajnje 31 eurow wjace hač dotal. Za třeće dźěćo je to 25 eurow. Sadźba za štwórte dźěćo so njezměni, wšako leži hižo pola 250 eurow.
Dotal bě planowane, dźěćacy pjenjez wysokeje inflacije a energijoweje krizy dla zwyšić. Tola bě rěč wo 237 eurach za prěnje tři dźěći.
Přepytowanje přećiwo arcybiskopej
„Ludźi do projektow zapřijeć“
Rozprawa regionalneho ministerstwa tež kritiske słowa žněje
Drježdźany (dpa/SN). Po słowach sakskeho ministra za regionalne wuwiće Thomasa Schmidta (CDU) je swobodny stat nastupajo zakónčenje wudobywanja brunicy w časowym planje. „Hač do kónca oktobra je hižo 43 projektow we wobjimje 185 milionow eurow wot Sakskeje natwarneje banki přizwolenych. Z tym ležimy derje a zdźěla samo jara jasnje před tamnymi třomi zwjazkowymi krajemi, w kotrychž brunicu wudobywaja“, wón wčera na posedźenju krajneho sejma w Drježdźanach wuzběhny, hdźež rozprawješe wo dźěle ministerstwa.
