Chcedźa šćěpjensku kwotu zwyšić
Berlin (dpa/SN). W boju přećiwo koronapandemiji ma dźensa zahajena šćěpjenska akcija nowe postupy wunjesć. Kóždy wobydler Zwjazka móže so na mnohich městnosćach bjez termina a darmotnje šćěpić dać. Nimo wobstajnych městnow su tež poskitki, kaž na přikład w bibliotekach abo kupnicach, předwidźane. Zaměr akcije je, šćěpjensku kwotu jasnje zwyšić. Kaž minister kanclerskeho zarjada Helge Braun we wčerawšim wusyłanju ZDF „Berlin direkt“ připowědźi, njebudu poskitki jenož na tónle tydźeń wobmjezowane, ale dale wjedźene. Wšako je wažne štwórtej žołmje infekcijow w zymje hišće zadźěwać.
Zwjazk městow a gmejnow sej žadaše, socialne syće hišće bóle do šćěpjenskeje kampanje zapřijeć. Tak měli prominentni z kultury, wuměłstwa a sporta ludźi k šćěpjenju namołwjeć. Tuchwilu je něhdźe 62 procentow wobydlerjow Němskeje dospołnje pře koronu šćěpjenych. Fachowcy pak měnja, zo je kwota znajmjeńša 75 procentow trěbna, ma-li so štwórtej žołmje pandemije zadźěwać.
Ataka Lascheta zahajena
Na wčerawšim triellu tež wo digitalizaciji rěčeli
Berlin (dpa/SN). Po druhej telewizijnej debaće třoch kanclerskich kandidatow w sćelakomaj ARD a ZDF knježi w uniji CDU/CSU dobra nalada nastupajo naprašowanja. Tam chcedźa wo kóždy hłós wolerjow wojować. Kandidat Armin Laschet (CDU) je ataku zahajił. Přiwšěm pak z dweju naprašowanjow měnjenskeju institutow krótko po wčerawšim triellu wuchadźa, zo je kandidat SPD Olaf Scholz dobyćer. Tež kandidatka Zelenych Annalena Baerbock je mjez wolerjemi tójšto sympatije žnjała. Kandidat unije Armin Laschet steji hladajo na prašenje, štó je najbóle přeswědčił, jenož na třećim městnje. Kaž institut Infratest-Dimap wozjewi, ma 41 procentow přihladowarjow Olafa Scholza za dobyćerja třiboja. Slědźenska skupina Wahlen podawa porno tomu 31 procentow.
To a tamne (13.09.21)
To drje so mnozy dźiwachu, jako wuhladachu małeho hólčka za wodźidłom awta, kotrež bě minjeny štwórtk na zwjazkowej dróze pola Passauwa po puću. Tež policist, kiž bě ducy na dźěło, to wobkedźbowaše a zawoła swojich kolegow. Kaž so wukopa, bě 44lětny swojeho dwulětneho synka na klin wzał a jemu wodźidło jězdźidła přewostajił. Hakle jako hólčk zaso w swojim dźěćacym sydle sedźeše, smědźeštaj dale jěć. Nan ma nětko wězo z chłostanjom ličić.
Němske mišterstwa pomjatkoweho sporta maja noweho mištra, a to samo z rekordom. W Romje bydlacy 21lětny Andrea Muzii je sej ličbu ze 630 cyframi spomjatkował, zdźěli wčera organizator wurisanja Steffen Bütow w Torgelowje, hdźež su je přewjedli. Cyłkownje 1 700 ludźi po cyłym swěće pomjatkowy sport wukonja.
Planuja 17 centrumow za Łužiski cyrkwinski dźeń
Zhorjelc (AK/SN). Łužiski cyrkwinski dźeń w Zhorjelcu klětu wot 24. do 26. junija steji pod hłownym hesłom „vonWEGEN“. Wone ma signal zazběha a zetkawanja być. „Přewinjemy mjezy. Chcemy swjedźeń wěry swjećić“, podšmórny generalna superintendentka Ewangelskeje cyrkwje Berlin-Braniborska-šleska Hornja Łužica za Zhorjelsku biskopsku wosadu Theresa Rinecker wčera na wotewrjenju běrowa za klětuši cyrkwinski dźeń. W Europskim domje na Zhorjelskim Delnim torhošću su jón zarjadowali.
Nord Stream 2 dotwarjeny
Moskwa (dpa/SN). Wjele diskutowany płunowód Nord Stream 2 je po in formacijach ruskeho płunoweho koncerna Gazprom dotwarjeny. Dźens we 8.45 hodź. Moskowskeho časa su twar dokónčili, zdźěli šef Gazprom Aleksej Miller statnej powěsćerni Tass. Nětko trjebaja hišće pruwowanski certifikat Němskeje. Kóšty za twar 1 230 kilometrow dołheho, dwurołoweho płunowoda wučinjeja wjace hač dźesać miliardow eurow.
Orbán poboku Pólskeje
Budapest (dpa/SN). Prawicarsko-narodny ministerski prezident Madźarskeje Viktor Orbán je so w zwadźe mjez Europskej uniju a Pólskej tamnišeje justicneje reformy dla na bok Waršawy stupił. Najnowše wot komisije EU planowane pjenježne sankcije přećiwo Pólskej „nimaja runjeća“, rěka w stejišću madźarskeho knježerstwa. Wone nětko pruwuje, kak móhło Pólskej sudnisce pomhać. Komisija EU chce kraj chłostać, dokelž njeje dwělomnu komisiju ke chłostanju sudnikow přeco hišće rozpušćił.
Biden: Sćerpnosć so nachila
Na lětanišću rumunskeje stolicy Bukaresta je wčera pasažěrske ...
Žanu mzdu w karantenje
Düsseldorf (dpa/SN). Sewjerorynsko-westfalski minister za strowotnistwo Karl-Josef Laumann (CDU) je so přećiwo tomu wuprajił, nješćěpjenym, kotřiž dyrbja do karanteny, mzdu dale płaćić. „Dyrbimy so prašeć, hač chcemy nješćěpjenym w karantenje dale mzdu dawać, haj abo ně?“ Laumann rjekny wčera w Düsseldorfskim krajnym sejmje, zo chcył tele prašenje přichodne dny pruwować a rozsudźić. „Sym za to, zo jim mzdu dlěje njepłaćimy“, wón rjekny. Štóž njeda so šćěpić, byrnjež to po wšěch dopóznaćach jenička móžnosć była pandemiju přewinyć, tón dyrbjał z konsekwencami žiwy być, kotrež z toho nastanu.
W padźe wukazaneje karanteny maja přistajeni po zakonju prawo na zarunanje. W zakonju pak tež steji, zo tele prawo hižo njewobsteji, hdyž hodźi so karantenje ze šćěpjenjom zadźěwać, Laumann rozłoži. Karantena njemóže po jeho měnjenju žadyn dołho trajacy cyłostatny nadawk wjace być. Po informacijach strowotniskeho ministerstwa su jeničce w Sewjerorynsko-Westfalskej dotal 120 milionow eurow za dalepłaćenje mzdy ludźom w karantenje wudali.
Danska wobmjezowanja zběhnyła
Kopenhagen (dpa/SN). W Danskej su wot dźensnišeho tež poslednje wobmjezowanja koronawirusa dla zběhnjene. Tak njetrjeba na přikład w koparskim stadionje nichtó wjace dopokazać, zo je šćěpjeny, wustrowjeny abo negatiwnje testowany. Samsny dopokaz ludźo tež w diskotekach hižo njetrjebaja. Zdobom njeje covid-19, přez koronawirus zawinowane schorjenje, hižo „towaršnostnokritiska chorosć“.
Winowatosć, škitny nahubnik wužiwać, wšak běchu hižo minjene tydźenje a měsacy krok po kroku zběhnyli. Naposledk smědźachu tež nócne kluby zaso wotewrěć, spočatnje hišće z dopokazom šćěpjenja, wustrowjenja abo testowanja. To samsne płaćeše w hosćencach, fitnesowych klubach a druhdźe.
Hłowna přičina, zo su wobmjezowanja zběhnyli, je wysoka kwota šćěpjenja, kaž to strowotniski minister Magnus Heunicke w awgusće zdźěli, jako bě zběhnjenje naprawow ludźom připowědźił. Dotal je w Danskej wjac hač 83 procentow wšěch wobydlerjow kraja nad dwanaće lětami pře koronawirus šćěpjenych.
To a tamne (10.09.21)
Lěta 1962 za dwanaće centow kupjeny comicowy zešiwk „Spiderman“ su w USA za 3,6 milionow dolarow (něhdźe tři miliony eurow) přesadźowali. Je to najdróši comicowy zešiwk, kotryž su hdy přesadźowali, zdźěli awkciski dom Heritage Auctions w texaskim Dallasu.
Swojich wobsedźerjow z awta wuzamknył je pos w Bayerskej. Porik bě z bydlenskim mobilom po puću a bě njedaloko sławneho hrodu Neuschwanstein pozastał. Muž a žona wulězeštaj, zo byštaj fotografowałoj. Při tym staj motor dale běžeć dałoj. Pos skakaše nerwozny po sydle sobujěduceho a hladaše za nimaj z woknom. Při tym dótkny so knefla, kotryž awto wotnutřka zamkny. Mužej so na zbožo poradźi, z gratom nabóčne wokno wočinić a do woza zalězć.
Kandiduja za wólby zwjazkoweho sejma
Serbske Nowiny maja na hornjołužiskich direktnych kandidatow z wólbneju wokrjesow 156 a 157 slědowace prašenja:
Lukas Mosler kandiduje za Lěwicu we wólbnym wokrjesu 156.Kathrin Miche nastupi we wólbnym wokrjesu 156 za SPD.Matthias Schniebel kandiduje za FDP we wólbnym wokrjesu 156.5.Wobydlerjo w Němskej su dale a starši. Kak zaručiće, zo njeznapřećiwjeja so waše rozsudy zajimam młodostnych?Maik Lehmann – LKR
1.Ma-li so změna strukturow radźić, dyrbi so industrija sylnišo we Łužicy zasydlić. Planowane pjenjezy dyrbja bjez běrokratije a spěšnje dochadźeć. Při komuny přesahowacych projektach dyrbimy bóle na rjadowanje a hospodarske zwoprawdźenje dźiwać.
2.Dyrbimy nowe technologije za zdobywanje energije wužiwać. Njesměmy lěsy wětrnikam woprować. Zalěsnjenje mamy sylnišo spěchować a na naslědnosć dźiwać. Regionalne produkty, kotrež dochadźeja bjez wokołopućow ke konsumentej, dyrbimy spěchować a za dołhe transporty město dróhi kolije wužiwać.
