To a tamne (03.01.23)
120 socialnych hodźin a pjeć lět bjez jězbneje dowolnosće su wuslědk jězbneho pruwowanja šulerki w Letiskej. Wona bě mjenujcy pjana na praktiski pruwowanski termin přišła, zdźěli wčera letiske generalne statne rěčnistwo w Rize. Jako pruwowar pytny, zo steješe šulerka pod wliwom alkohola su wotpowědny test přewjedli. Tak zwěsćichu, zo měješe wona wjace hač 2,1 promilow alkohola we wudychu.
Cigara je wohenjej w srjedźnej Frankskej zadźěwała. 29lětny bě so w silwesterskej nocy wot hosćiny we Westheimje krótko domoj nawróćił, dokelž bě swoju „nowolětnu cigaru“ zabył, kotruž sej kóžde lěto popřeje. Při tym je woheń na nowo natwarjenej łubi wuhladał a wohnjowu woboru informował. Po informacijach policije je tak wjetšej škodźe twarjenja zadźěwał.
Wuznam martrarjow
Vatikan (B/SN). Na dnju swj. Šćěpana wopomina cyrkej tradicionalnje přesćěhanych křesćanow. Bamž Franciskus je na druhim dnju hód k modlitwam namołwjał, dokelž přiběraja nadpady na křesćanow. „Martrarjo su swědcy, bratřa a sotry, kotřiž nam přez swoje žiwjenje Jězusa pokazuja, kotryž je zło z miłosću přewinył.“ Swj. Šćěpana su za jeho wuznaće k wěrje skamjenjowali.
Křesćenjo na puću
Jerusalem/Zürich (B/SN). Prawicarske strony twjerdźa, zo je židowski charakter Jerusalema wohroženy. „Lětsa njejsym ani jenički hodowny štom w Jerusalemje widźał. Na nas so swari a pluwa“, praji pater Nikodemus Schnabel. Patriarch Jerusalema, arcybiskop Pierbattista Pizzaballa, rjekny: „Židowsko-nabožny zwisk k Jerusalemej ma so zesylnić a křesćenjo su tomu na puću.“
Konflikt rozrisać
Masowa panika w Ugandźe
Kampala (dpa/SN). Při masowej panice za čas silwesterskeho wohnjostroja je we wuchodoafriskim Ugandźe dźewjeć ludźi zemrěło. Hišće njeznata ličba swjećacych su so při njezbožu w zabawjenskim centrumje w stolicy Kampala zranili, policija wčera zdźěli. Wokoło połnocy chcychu dźesatki ludźi z twarjenja won na puć, zo bychu sej wohnjostroj wobhladali. Při tym je panika wudyriła.
AfD hotuje so hižo na wólby
Berlin (dpa/SN). Dźesać lět po załoženju chce AfD swoju strategiju sylnišo na to wusměrić, zo móža w koalicijach sobu knježić. „Hotujemy so hižo nětko na wólby we wuchodźe Němskeje w lěće 2024“, wuswětli předsydka AfD Alice Weidel powěsćerni dpa w Berlinje. „Tam chcemy zamołwitosć w knježerstwje přewzać.“ Klětu wola w Sakskej, Braniborskej a Durinskej nowe krajne sejmy. Předewšěm CDU ma AfD za realistiskeho koaliciskeho partnera.
Lemke a Steinmeier w Brazilskej
Napohlad z Budyšina w silwesterskej nocy wubudźa zaćišć, zo ...
Trierski biskop: Proces reformow dale póńdźe
Za Trierskeho biskopa Stephana Ackermanna je jasne, zo ma so katolska cyrkej dale přeměnić. Wón widźi „Synodalny puć“ zdobom jako nastork za wjetše hibanje w swětowej cyrkwi.
Trier (dpa/SN). Ackermann sadźa při reformach w katolskej cyrkwi, wo kotrež so prócuja, na podpěru z druhich krajow. Wón so nadźija „wjetšeho a šěršeho hibanja“, kotrež nětko nastorča, rjekny biskop powěsćerni dpa w Trieru. „Jenož němscy biskopja a Rom: To njedosaha. To da hišće žadyn swětocyrkwinski dialog njeje.“
Same procedure ...
Wužiwanje praskotakow zakazać?
Lipsk/Berlin (dpa/SN). Wužiwanje praskotakow k silwestrej je diskusiju wujewiło. Dokelž dóńdźe k wjele njezbožam a nadpadam na zasadźenske mocy, žada sej mjez druhim dźěłarnistwo policije w Berlinje (GdP), wužiwanje praskotakow w Němskej zakazać. „Po cyłym Zwjazku widźachmy, zo so pyrotechnika cyle zaměrnje jako bróń přećiwo ludźom zasadźuje“, kritizowaše krajny šef GdP Stephan Weh. Tomu dyrbi so zadźěwać.
Berlinska policija přizjewi masiwne nadběhi na zasadźenske a wuchowanske mocy w nowolětnej nocy. Wohnjowa wobora a policija zličichu w stolicy dohromady 33 zranjenych zasadźenskich mocow. Wohnjowa wobora bě překwapjena wot wulkeje ličby zranjenych a namocy na zasadźenske mocy.
W Lipsku so 17lětny při wužiwanju pyrotechniki tak ćežko zrani, zo w chorowni zemrě, kaž policija zdźěli. Jednaćel Němskeje wobswětoweje pomocy Jürgen Resch skedźbni mjez druhim na zranjenych a poćežowanje wobswěta a žadaše sej praskotaki zakazać.
Lěto 2030 je realistiske
Hospodarski minister chce zmilinjowanje brunicy prjedy skónčić
Berlin (dpa/SN). Zwjazkowy hospodarski minister Robert Habeck (Zeleni) je so za to wuprajił, na wuchodźe Němskeje z wudobywanjom brunicy zašo přestać. Tak ma wón lěto 2030 za realistiske, za čož su wotpowědne dojednanja trěbne. „To njerozsudźa jednotliwcy, ale šěroka alianca dyrbi za tym stać“, Habeck zwurazni. Za plan ma zmysłapołne argumenty. Kaž zakoń dotal předwidźi, maja so poslednje bloki milinarnjow w Němskej 2038 zawrěć. To su bloki wobhospodarjerja Łužiska energija a milinarnje (LEAG).
Dale hospodarski minister rozłoži, zo chce towaršnosć w Sewjerorynsko-Westfalskej dočasnje přestać brunicu wudobywać. „To njerěka, zo budu wšitcy sobu činić, ale politika so na to měri. Na wuchodźe Němskeje su ludźo bóle skeptiscy. Potom dyrbimy wotwažować, hač je tajke dojednanje móžne.“ Brunicowe kraje na wuchodźe Němskeje su Braniborska, Sakska a Saksko-Anhaltska.
Wosebita instalacija na promenadźe
Serbske Nowiny wudawaja so w Domowina-Verlag GmbH Ludowym nakładnistwje Domowina
Jednaćel: Syman Pětr Cyž
Ludowe nakładnistwo Domowina tzwr spěchuje Załožba za serbski lud, kotraž dóstawa lětne přiražki z dawkowych srědkow na zakładźe hospodarskich planow, wobzamknjenych wot Němskeho zwjazkoweho sejma, Krajneho sejma Braniborskeje a Sakskeho krajneho sejma.
Šefredaktor a zamołwity redaktor w zmysle
nowinarskeho zakonja: Marcel Brauman 577 232/233 Naměstnik šefredaktora: Axel Arlt 577 238
tel.: 03591 / 577 232 faks: 03591 / 577 202 e-mail: www.serbske-nowiny.de
Adresa redakcije a nakładnistwa: Sukelnska 27, 02625 Budyšin
Adresse der Redaktion und des Verlages: Tuchmacherstraße 27, 02625 Bautzen
Zamołwita za rozšěrjenje: Manja Bujnowska 577 262
Předań nawěškow: Janka Rögnerowa 577 220 e-mail:
Ćišć: DVH Weiss-Druck GmbH & Co. KG, Lejnjanska 14, 02979 Halštrowska Hola, wjesny dźěl Hory
Vertriebskennzeichen: 2 B 2560 B
