Štó znaje šulerjow 5. do 8. lětnika a wučerjow Chróšćanskeje šule w lěće 1937? 

Składnostnje 800. jubileja wuńdźe lětsa w našim nakładnistwje kniha wo Chrósćicach. Nimo zajimawych nastawkow wobsahuje kniha tež rjad putacych fotow ze zańdźenosće.

Smy do hód (hlej SN, 19. decembra a tu na dalšim foće) hižo prěnje wulke foto šulerjow a wučerjow Chróšćanskeje šule w lěće 1937 wozjewili a mjeztym hižo nimale 60 mjenow nazběrali. W běhu slědźenja je so nam dalše foto přepodało, kotrež wam tu předstajimy.

Na sćěhowacym foće su starše lětniki, dźěći narodźene w lětach někak 1923 a 1927, widźeć. Mjez nimi stej šulerce Monika Šejdźic z Hórkow, pozdźišo wudata Bulankowa (čo. 19) a Hańža Nowakec z Wudworja, pozdźišo wudata Cyžowa (čo. 53).

Je tež něchtó z wašeho přiwuznistwa abo znajomstwa na foće zwobraznjeny? Snano skića so wam składnosć, so ze swójbnymi stawiznami zaběrać a sej k přirunowanju mjezwočow raz stary album do ruki wzać?  

Nažel je tutón wobraz hižo tróšku blakaty. Maće-li doma tež tajku fotografiju, přizjewće so prošu. Bychmy ju rady za knihu zaskenowali.

Cyłkowny wobraz nadeńdźeće tule.    

Deleka nadeńdźeće wotpowědny formular za zapodaće mjenow. Prošu zapisajće:

1. čisło,
2. mjeno šulerja, šulerki abo wučerja
3. a po móžnosći tež wjesku, z kotrejež pochadźeše.
4. Prošu zapisajće tam tež waše mjeno, zo móhli so z wami do zwiska stajić, jewja-li so njejasnosće.

• Njezabudźće prošu na knefl “zapodać” tłóčić.
• Znajeće-li wjace hač pjeć wosobow, móžeće formular po zapodaću znowa wupjelnić.
• Prošu pósćelće nam waše dopóznaća hač do 22.01.2025!