Čuješ so w digitalnym swěće doma a zajimuješ so za dźěło žurnalistow? Dźěłaš rady z ludźimi hromadźe, lubuješ serbšćinu a maš ideje, nowe medijowe projekty zwoprawdźić? Da sy pola nas na prawym městnje. Poskićamy wot 1.9.2021 městno

 

wolontara (m/ž/d)

w redakciji Serbskich Nowin w Budyšinje.

 

To na tebje čaka:

  • nawuknješ žurnalistiske dźěło w print- a online-medijach
  • podpěraš redakciju při wutworjenju digitalnych medijowych poskitkow w socialnych syćach
  • přihotuješ so na redaktorske dźěło abo dale wjeducy studij na polu medijow abo komunikacije
  • móžeš swójske ideje a předstawy k dalewuwiću serbskeho nowinarstwa přinošować

To wot tebje wočakujemy:

  • maš jedne z mjenowanych wotzamknjenjow: maturu, fachowu maturu, powołanske wotzamknjenje abo wuspěšnje wotzamknjeny studij
  • snano sy hižo prěnje žurnalistiske nazhonjenja zběrał
  • wobknježiš hornjoserbšćinu a němčinu ertnje kaž tež pisomnje a sy zwólniwy swoje rěčne kmanosće dale wuwiwać
  • maš znajomosće na polu digitalnych, wosebje socialnych medijow
  • zajimuješ so za multimedialne dźěło a maš zakładne techniske zrozumjenje
  • wobsedźiš jězbnu dowolnosć klasy B

Škićimy tebi:

  • wotměnjawe wukubłanje na žurnalista w serbskim medijowym zawodźe
  • fachowu podpěru a wšelakore móžnosće wukmanjenja
  • wotměnjawe dźěłowe městno w přećelnym a nazhonitym teamje
  • mzdu po tarifje, 30 dnjow dowola wob lěto
  • fleksibelny dźěłowy čas kaž tež móžnosć mobilneho dźěła

 

Wolontariat je na dwě lěće wobmjezowany, po dorěčenju tež mjenje. Časowa doba kaž tež cyłodnjowski dźěłowy čas (39h) hodźi so w mjezsobnym dorozumjenju tež skrótšić. Po wuspěšnym zakónčenju wolontariata maš wuhlad na přistajenje jako redaktor.

Smy tež wćipni na požadanja přidružnikow! 

Smy-li twój zajim zbudźili, požadaj so pola nas hač do 16. awgusta 2021. Wjeselimy so na twoje digitalne požadanske podłožki.
Při prašenjach nas zazwoń abo napisaj mejlku.

telefon: 03591/577-241

Ludowe nakładnistwo Domowina
jednaćel Syman Pětr Cyž
Sukelnska 27
02625 Budyšin

nawěšk

SERBSKE NOWINY podpěruja:

Novi Sad – kulturna stolica Europy

nowostki LND