Štó znaje šulerjow 1. do 4. lětnika a wučerjow Chróšćan šule w lěće 1937?
Je tež něchtó z wašeho přiwuznistwa abo znajomstwa na foće zwobraznjeny? Snano skića so wam přijomna składnosć, so ze swójbnymi stawiznami zaběrać a sej k přirunowanju mjezwočow raz stary album do ruki wzać?
Na tutym foće jedna so drje wo šulerjow 1. do 4. lětnika. To su potajkim dźěći, kotřiž su so w lětach 1927 do 1930 narodźili.
Wyše lětniki (šulerjo narodźene w lětach 1923 do 1927) su na dalšim foće widźeć.
Cyłkowny wobraz nadeńdźeće tule.
Deleka nadeńdźeće wotpowědny formular za zapodaće mjenow. Prošu zapisajće:
Tu hodźa so wobrazowe dataje składować.
W nakładnistwje dźěłamy tuchwilu na nowej knize wo Chrósćicach, kotraž ma klětu w juniju składnostnje 800. jubileja wuńć. Nimo zajimawych nastawkow k mnohim aspektam wosadneho wuwića wobsahuje kniha tež rjad putacych fotow ze zańdźenosće. Tola mnoho starych fotow pozhubja nažel na hódnoće, ručež nichtó wjace njewě, štó je na nich zwobraznjeny.
Pomhajće nam dalše mjena zwěsćić a je tutej impozantnej zběrce serbskich wjesnych dźěćacych mjezwočow přidać, zo bychmy je za přichodne generacije zachowali!
Alternatiwnje móžeće nam tež rady whatsappku abo mejlku napisać.
