Sokoł Ralbicy/Hórki –

Drohotka Ramnow 2:1 (2:0)

Zestawa domjacych: Schöne – Schultz, B. Heidorn (63. Šewc), Wałda, Gloxyn, Matka (57. Bejmak), Korjeńk, Mikławšk, Rawš (74. Šiman), Šnajer (85. Šołta), Domaška

To běše wosebity dźeń w Ralbicach: Po 24 lětach jako nadběhowar prěnjeho mustwa Sokoła Ralbicy/Hórki je so Pětr Domaška rozsudźił, swoje kopački na hozdźik pójsnyć. Do zahwizdanja legendarneho koparja z wulkim přikleskom rozžohnowachu a so jemu za wšě hry – wjac hač 600 jich bě – dźakowachu. Nimo Domaški zdobom Tomaša Rawša a Andyja Schultza rozžohnowachu. Wobaj škitarjej staj w minjenymaj lětdźesatkomaj tohorunja w njeličomnych hrach za Sokoł wo dypki wojowałoj.