Horco diskutowali su wčera Budyscy měšćanscy radźićeljo, zo bychu kompromis nastupajo wyše staršiske přinoški w pěstowarnjach docpěli. Swójby z wjele dźěćimi chcyli na wosebite wašnje wolóžić.

Budyšin (CK/SN). Za zastaranje swojich dźěći w Budyskich dnjowych přebywanišćach maja starši wot 1. meje wjace płaćić. To je wjetšina měšćanskich radźićelow na swojim wčerawšim posedźenju wobzamknyła. Do toho pak běchu z wjacorych frakcijow signalizowali, zo tajke přihłosowanje zapowědźa.