Pokiwy (06.05.16)

pjatk, 06. meje 2016
artikl hódnoćić
(0 )

Mejemjetanje ze SerBeat

Pančicy-Kukow. Dźensa zahaji so w Kukowje mejski swjedźeń. Po turněrje wjesnych mustwow w mega-kickeru su w 21 hodź. reje z DJjom Rabittom. Kofejpiću jutře přizamknje so w 16 hodź. mejemjetanje dźěći a młodźiny, wječor su reje z kapału SerBeat a DJjom Guidom. Nazwučowali su Kukowčenjo znowa program, kotryž chcedźa w 21 hodź. před­stajić. Njedźelu wot 11 hodź. zahudźa Chróšćanscy muzikanća k rańšemu piwku a w 14.30 hodź. předstaji so Smjerdźečanska rejwanska skupina. W 15.30 hodź. móža so hosćo na program Pančičanskeje pěstowarnje wjeselić.

Měnjenska bursa rostlin

Bjedrichecy. Mnohostronskosć w domjacych zahrodkach tworić, z nowymi družinami so zeznajomić a njetrjebawše rostliny z tajkimi a hinašimi eksotami wuměnjeć: To je 8. měnjenska bursa w Bjedrichecach (Friedersdorf). A tajku přewjedu jutře, sobotu, wot 14 do 17 hodź. w přirodoškitnej staciji njedaloko Łaza. Zajimcy su wutrobnje přeprošeni a móža tež sadźenki sobu přinjesć.

Putnikowanje starych a chorych

wozjewjene w: Pokiwy
Prošu přizjewće so, chceće-li komentar podać

Serbska debata

nowostki LND