Serbski ludowy ansambl hotuje so na Błótowsku powěsćowu nóc

Budyšin (SN/CoR). W Serbskim ludowym ansamblu zaběži hižo tónle tydźeń sezona předstajenjow pod hołym njebjom. Tak dožiwi Błótowska powěsćowa nóc 2016 přichodny pjatk pod hesłom „Lesć“ swoju prapremjeru, kotruž chcedźa přez swjatki na Bórkowskej hrodowej horje při Bismarckowej wěži trójce předstajić. Předpředań za 4. hrodowe nocy ansambla w Mortkowje započnje so přichodnu njedźelu. Runočasnje wotewru na tamnišej Jakubecec twjerdźiznje nowu kofejownju. Zastupne lisćiki za předstajeni 2. a 3. septembra dóstanjeće w Mortkowje, w serwisowych rumnosćach SLA kaž tež w interneće pod adresu www.reservix.de.