Biskopicy (AW/SN). Z wulkim zajimom přijimowaše połsta zajimcow, mjez nimi zapósłanča Sakskeho krajneho sejma Patricia Wissel (CDU), na wotewrjenju wustajeńcy „JASYM – DRUHI WID“ minjeny pjatk wječor na žurli Biskopičanskeje radnicy dźěła šěsć serbskich tworjacych wuměłčow. „Wuměłske eksponaty rozestajeja so hłuboko emocionalnje z přitomnosću“, zwurazni mjez druhim Biskopičanski wyši měšćanosta prof. dr. Holm Große (njestronjan) při powitanju. Čłon předsydstwa Zwjazka serbskich wuměłcow a nawoda projekta Tomasz Naw-ka podźakowa so měšćanskemu zarjadnistwu za zhromadne dźěło a předstaji přitomnym swoje towarstwo.