Wotewrjena dźěłarnja mnohich do Hornjeho Hajnka zwabiła

Horni Hajnk (SN). W domje spisowaćela Jurja Brězana w Hornim Hajnku knježeše minjenu njedźelu čiłe žiwjenje. Na přeprošenje jeho wnučkow Bena, Franciski a Floriana kaž tež jich maćerje dr. Beaty Brězanoweje – pod hesłom „Wotewrjena dźěłarnja“ njedachu sej mnozy dwójce kazać, zo bychu sej chěžu a zahrodu wobhladali. Tak listowachu někotři w knihach, tamni w fotowym albumje a druzy inspicěrowachu rumnosće, w kotrychž Brězan bydleše a skutkowaše. Z rozmołwow bě wusłyšeć, zo běchu ludźo dźakowni, zo so jim tuta přiležnosć poskići.