Na swójbny swjedźeń

Hórki. Mjeztym jědnaty swójbny swjedźeń Serbskeho šulskeho towarstwa wotměje so njedźelu, 19. junija, wot 15 hodź. na Hórčanskim sportnišću. Za swójby z dźěćimi a za wšitkich dalšich wopytowarjow změja tam program dźěći a najwšelakorišu zabawu.

Serbske zynki w parku

Choćebuz. Na Choćebuskim měšćanskim swjedźenju, kotryž so tam kónc tydźenja wotměje, budźe jutře wot 13 do 18 hodź. w Puškinowym parku 9. serbski swjedźeń. Program wuhotuja mjez druhim skupina Die Folksamen, spěwotwórc Matthias Kießling, folklorna skupina Sprjewjan a Zaspiski kwasny ćah.

12. šlagrowa nóc w Njeswačidle

Njeswačidło. Sobotu wječor wotměje so w Njeswačidle 12. šlagrowa nóc. Wuhotowar wječora je sportowe towarstwo „Módro-běli Njeswačidło“. Wjeselić móža so hosćo na znatych spěwarjow kaž Olafa Bergera, Rossy Antonyja, DJa Ötzija a na dalšich. Zastup je wot 17 hodź., zarjadowanje započina so w 19 hodź. Wopołnocy je zaso krasny wohnjostroj z hudźbu nad hrodom předwidźany.

Zetkanje dudakow