Čitanje we wěžach

Budyšin. We wobłuku zarjadowanja „Z poeziju a hudźbu na slědach Jana Arnošta­ Smolerja“ přeprošuja basnicy a hudźbnicy z tu- a wukraja zajimcow jutře,­ 25. junija, po zetkanju w 14 hodź. při pomniku Smolerja do Budyskich wěžow. Wot 15 do 15.30 hodź. budźe čitanje a zaklinči hudźba w Lawskej wěži, wot 15.45 do 16.45 hodź. w Röhrscheidtowej bašće, wot 17.15 do 17.45 hodź. w Mikławšowej wěži a wot 18 do 18.45 hodź. w Garbarskej bašce. Připowědźe změjetaj Benedikt Dyrlich a Alfons Wićaz.

Swjedźeń na dworje

Konjecy. Wot jutřišeho do njedźele wotměwa so na dworje Towarstwoweho domu w Konjecach Konječansko-Šunowski wjesny swjedźeń. Krótko do 17 hodź. natoča tam piwo, přizamknje so volleyballowy turněr. Po hudźbnej zabawje, lěhwowym wohenju za dźěći předstaja žony wot 21.30 hodź. program. Jedyn z wjerškow njedźelu budźe w 10.30 hodź. wubědźowanje wokolnych wohnjowych woborow. Po wobjedźe, sportowych zaběrach, swačinje a dźěćacym swjedźenju móža so wšitcy wot 16 hodź. na program z překwapjenkami wjeselić.

Na narodniny barakki