„Serbske wobrazy“ w swojoraznym stilu

štwórtk, 14. julija 2016
artikl hódnoćić
(0 )
Thomas Kern a Budyski financny měšćanosta dr. Robert Böhmer (wotlěwa) wčera w Budyskej Serbskej kulturnej informaciji  Foto: SN/Maćij Bulank Thomas Kern a Budyski financny měšćanosta dr. Robert Böhmer (wotlěwa) wčera w Budyskej Serbskej kulturnej informaciji  Foto: SN/Maćij Bulank

„Serbske wobrazy“ rěka nowa wustajeńca Thomasa Kerna, kotruž su wčera w Budyskej Serbskej kulturnej informaciji wotewrěli. Mjez něhdźe 20 wopytowarjemi bě tež Budyski financny měšćanosta dr. Robert Böhmer.

Budyšin (SN/CoR). „Njebě to cyle jednore za mnje. Bě spagat – na jednym boku chcych sebi samomu swěrny wostać a swobodnje molować, na tamnym boku chcych so tež Serbam z respektom zbližić a region hódnoćić. Wšojedne, kak wuslědki na jednotliwca skutkuja, sym so temje stajił, a to mje wjeseli“, Thomas Kern wčera praji. Ideju za projekt „Serbske wobrazy“ zrodźił bě jeho znaty. „Wón kaž tež naša mać staj mi z dobrej radu poboku byłoj“, dźakowaše so w Delnjej­ Kinje bydlacy wuměłc, kiž ma w Dobrošecach swój ateljej. Jeho dźowce stej „Witaj-dźěsći, chodźitej mjeztym na Serbski gymnazij a móžetej perfektnje serbsce rěčeć“, nan hordźe přispomni.

wozjewjene w: Kultura
Prošu přizjewće so, chceće-li komentar podać

Serbska debata

nowostki LND