Před kulisu Budyskeho stareho města poskića bórze mjeńše zarjadowanja
Budyšin (SN/BŠe). Hižo dołho předwidźany a nětko skónčnje zwoprawdźeny budźe projekt wokoło Röhrscheidtoweje bašty Serbskeho ludoweho ansambla. Tam ponowjeja tuchwilu zahrodu. „Projekt njebu wězo wot dźensa na jutře zrodźeny, ale bě hižo dołho tema“, rozłožuje zamołwita za ležownostne a objektne zarjadnistwo Załožby za serbski lud Serafina Pašcyna. Murje wokoło bašty njeběchu hižo w optimalnym twarskim stawje. K tomu přińdźe, zo bě so loni na susodnej zahrodźe domčk wotpalił, a w tym zwisku je tež zahroda SLA ćerpjeła. Potajkim přičin dosć so skónčnje wo nju starać.