W Serbskim ludowym ansamblu hotuja so tuchwilu na nowy folklorny program „Moja reja“, kotryž předstaja prěni raz 14. oktobra w Choćebuzu a dwaj dnjej pozdźišo hornjołužiskemu publikumej w Budyšinje.
Budyšin (SN/CoR). Časy su bórze nimo, zo nima Serbski ludowy ansambl žadyn program folklorneho žanra w repertoirje. „To tež scyła njeńdźe“, měnješe šefdirigent Dieter Kempe na wčerawšej nowinarskej konferency. „Chcemy zaso to poskićeć, štož nas wuznamjenja: folklorizowane jewišćowe wuměłstwo“, podšmórny hišće raz jednaćelka SLA Diana Wagnerec.