Młodej Serbowce so són spjelni

štwórtk, 06. oktobera 2016
artikl hódnoćić
(0 )
 Gymnaziastka a rejwarka Serbskeje rejwanskeje skupiny Smjerdźaca Lydija Matikec  Foto:  Alfons Wićaz  Gymnaziastka a rejwarka Serbskeje rejwanskeje skupiny Smjerdźaca Lydija Matikec Foto: Alfons Wićaz

Rejwarkam a rejwarjam Smjerdźečanskeje skupiny bě to wulke překwapjenje, jako jim zdźělichu, zo pojědźe dźesać porow z nich w oktobru na mjezynarodny etniski festiwal do stolicy Indiskeje New Delhija. „Jako powěsć wo Indiskej dóstachmy, so jara zwjeselich“ praji 19lětna rejwarka Lydija Matikec z Łazka, šulerka 12. lětnika na Serbskim gymnaziju Bu­dyšin.

Wot 7. lětnika je tehdyša šulerka Ralbičanskeje srjedźneje šule, kotraž je po dźesatce do Budyšina šła, z čłonku Smjerdźečanskeje rejwanskeje skupiny. Z njej je młoda Serbowka na turnejach w tu- a wukraju hižo tójšto rjanych dožiwjenjow měła. Hakle lětsa bě wona w Słowjenskej a dožiwi tam, kaž tež wšudźe druhdźe, wulkotnu hospodliwosć. Ale, zo poda so jónu do Indiskeje, njeby sej ni­hdy mysliła. „W 4. lětniku sym sej ze sotru Lindu často w telewiziji Bollywoodske filmy wobhladała. Namaj su so mentalita Indičanow, jich reje a spěwy jara lubili. Smój samo spytałoj po jich rytmach rejować, tak jara su nas fascinowali. Tohodla wo tym sonjach, wšitko raz w Indiskej sama dožiwić. A nětko so mi tónle són zwoprawdźi. To sym zbožowna!“

wozjewjene w: Kultura
Prošu přizjewće so, chceće-li komentar podać

Serbska debata

nowostki LND