Dr. Frido Mětšk dwě lubosći měł: šulu a wědomosć

wutora, 01. nowembera 2016
artikl hódnoćić
(0 )
Syn dr. Frida Mětška, komponist Juro Mětšk na wopomnjenskim zarjadowanju w Choćebuzu  Foto: Michael Helbig Syn dr. Frida Mětška, komponist Juro Mětšk na wopomnjenskim zarjadowanju w Choćebuzu Foto: Michael Helbig

Spěchowanske towarstwo za Serbski muzej Choćebuz bě na wopomnjenske zarjadowanje k česći wuznamneho historikarja, literarneho wědomostnika a wučerja dr. Frida Mětška minjeny pjatk do tamnišeho měšćanskeho muzeja přeprosyło. Zhladujemy lětsa na stote posmjertne narodniny Mětška.

Choćebuz (KF/SN). W lawdaciji spominaše předsydka spěchowanskeho towarstwa muzeja dr. Madlena Norbergowa na dalšeju wuznamneju Serbow Jurja Brězana a Herberta Nowaka, kotrajž byštaj lětsa tohorunja stote narodniny swjećiłoj. Wo přećelstwje jeje nana z Mětškom wona praješe: „Wonaj staj na polu serbskeje rěče dźěłałoj hromadźe. Přeco, hdyž chcyše Frido Mětšk něšto wo Delnjej Łužicy wědźeć, bě naš nan pomhał. Sym Frida Mětška hišće wosobinsce zeznała, a moja sotra Wanda přebywaše tam tež někotre razy w prózdninach. Dźensa so zwiski dale wjedu: Mój bratr Mato je přećel Jura, syna Frida Mětška.“

wozjewjene w: Kultura
Prošu přizjewće so, chceće-li komentar podać

Serbska debata

nowostki LND