Reje a spěwy na předwječoru kermuše

wutora, 01. nowembera 2016
artikl hódnoćić
(0 )
Wudworski folklorny ansambl (na wobrazu) a skupina Přezpólni stej minjeny pjatk nazymski koncert w Hórkach wuhotowałoj.  Foto: Alfons Handrik Wudworski folklorny ansambl (na wobrazu) a skupina Přezpólni stej minjeny pjatk nazymski koncert w Hórkach wuhotowałoj. Foto: Alfons Handrik

Hórki (aha/SN). Do cyłkownje wot Załožby za serbski lud planowanych lětušich 14 nazymskich koncertow w Hornjej a Delnjej Łužicy je Serbski folklorny ansambl Wudwor a z nim spěwna skupina Přezpólni cyłkownje pjeć razow zapřijaty. Minjeny pjatk, na předwječoru Hórčanskeje kermuše, móžeše woblubowanej kulturnej cyłkaj předsydka tamnišeho agilneho wjesneho towarstwa Katharina Jurkowa na žurli Smolic statoka witać. Po tym zo běchu Hórčenjo loni w swojej wsy prěni raz ze skupinu Wólbernosće wuhotowane zarjadowanje dožiwili, su so lětuše naročne wočakowanja wjace hač 50 wopytowarjow znowa spjelnili. K zazběhej zarejwa šěsć porow dorostoweje skupiny – holcy w katolskej narodnej drasće – polonezu a na to štyri pory wulkeje skupiny temperamentnu Cypowu reju.

wozjewjene w: Kultura
Prošu přizjewće so, chceće-li komentar podać

Serbska debata

nowostki LND