Ćěkancow zahe dosć zadźeržeć

póndźela, 20. měrca 2017
artikl hódnoćić
(0 )

Rom (dpa/SN). Zhromadnje chcedźa europske a sewjeroafriske kraje migrantow po puću do Europy hižo zahe dosć zadźeržeć a tak jich pašowanju zadźěwać. Na to dojednachu so nutřkowni ministrojo Italskeje, Němskeje, Francoskeje, Awstriskeje, Malty a Słowjenskeje ze zastupjerjemi krajow Algeriskeje, Tuneziskeje a Libyskeje w Romje, hdźež dźensa wuradźowachu. Hakle kónc tydźenja běchu so zaso tysacy ćěkancow na strašny puć z Afriki do Europy nastajili.

Bankownicy optimistiscy

Frankfurt nad Mohanom (dpa/SN). Zwjazkowa banka je hladajo na konjunkturne wuwiće w Němskej optimistiska. „Němske hospodarstwo dale rozrostuje“, zdźěli banka w dźensa wozjewjenej měsačnej rozprawje. Najwažniši nošer je tuchwilu industrijny wobłuk. Naprašowanja za wudźěłkami su z kraja a wukraja. Tež wuwiće na dźěłowych wikach posudźuje Zwjazkowa banka jako pozitiwne. Přichodne měsacy liči zaso z přidatnymi dźěłowymi městnami.

Žada sej wotšćěpjenje procesa

wozjewjene w: Politika
Prošu přizjewće so, chceće-li komentar podać

nawěšk

SERBSKE NOWINY podpěruja:

fueorg misain karten sorbisch

nowostki LND