Wědomostna słužba pólskeho parlamenta pruwuje žadanja za reparacijemi
Waršawa (dpa/SN). Mjez Pólskej a Němskej hroža dalše napjatosće. Přičina je, zo chce sej pólske knježerstwo wot Němskeje reparacije Druheje swětoweje wójny dla žadać (SN rozprawjachu). Byrnjež so Pólska před lětdźesatkami wotrunanjow wzdała, jeje knježerstwo nětko pruwuje, hač sej je tola wot Němskeje nježada.