Wosebita wustajeńca Budyskeho Serbskeho muzeja wotewrjena
Budyšin (SN/bn). Nowu wosebitu wustajeńcu „Krabat. Muž. Mytos. Marka.“ su wčera, njedźelu, na kopatej połnej žurliBudyskeho Serbskeho muzeja wotewrěli. Hač do 15. apryla 2018 přistupna přehladka zjima stawizniske, mytologiske a hospodarske aspekty na zakładźe wědomostneho slědźenja k historiskej wosobje Jana Šadowica a jeho přez wšelakore procesy polěkowaneje transformacije k figurje Krabata, dźensniše zwičnjenje baje wo nim na polu turizma, marketinga, wotpowědnje pomjenowanych tworow kaž tež wuměłstwa a kultury. Wustajeńcu wobrubja wjacore zarjadowanja, mjez druhim filmowe předstajenja, sceniske a fachowe wodźenja kaž tež přednoški. Pedagogiski wotrjad muzeja poskići nimo toho wosebity program za dźěći z dźěłarničku k zhotowjenju pjelsćowych ručnych klankow a ze zhromadnym kuzłanjom.
