Pokiwy (29.09.17)

pjatk, 29. septembera 2017
artikl hódnoćić
(0 )

Płuwać za demokratiju

Wojerecy. Město Wojerecy je lětsa hosćićel­ zarjadowanja „Płuwać za de­mokratiju a tolerancu – sym pódla!“, kotrež přewjedu jutře, 30. septembra, w 9 hodź. we Wojerowskej Łužiskej kupjeli. Po witanju wyšeho měšćanosty Stefana Skory (CDU) a postrownych słowow prezidenta sakskeho płuwanskeho zwjazka dr. Wolframa Sperlinga so wubědźowanja w 10 hodź. započnu. Kónc budźe w 16 hodź., najlěpšich chcedźa poł hodźiny pozdźišo mytować.

Na kermuš a swinjorězanje

Ćisk. Jutře přeproša Ćišćanske kulturne towarstwo wobydlerjow na tradicionalnu kermuš a swinjorězanje. Wot 11 hodź. serwěruja delikatesy z wulkeho kotoła. Za hudźbne wobrubjenje su sej Grodkowsku dujersku kapału přeprosyli. Popołdnju porjedźenja na Ćišćanskim statoku samopječeny tykanc a čerstwe plincy. Wobhladać móža sej zajimcy na dworje – zastup sej tam njekazaja – fotowu wustajeńcu wo 20lětnym wobstaću kulturneho towarstwa. Na dźěći čaka wot 14.30 hodź. klankodźiwadło z Ptačec, a Jurij Čórlich z Němcow předstaji zajimcam pódkowanje koni.

Domchowanka w młynje

wozjewjene w: Pokiwy
Prošu přizjewće so, chceće-li komentar podać

Serbska debata

nowostki LND