Ducy po Tolkienowym Oxfordźe

pjatk, 29. septembera 2017
artikl hódnoćić
(0 )
Narowny kamjeń spisowaćela J. R. R. Tolkiena a jeho mandźelskeje na kěrchowje Wolvercote. Na hałuzu prědku je něchtó replikaciju  pjeršćenja z filmoweje trilogije po Tolkienowym romanje „Knjez pjeršćenjow“ tyknył. Měrćin Wjenk Narowny kamjeń spisowaćela J. R. R. Tolkiena a jeho mandźelskeje na kěrchowje Wolvercote. Na hałuzu prědku je něchtó replikaciju pjeršćenja z filmoweje trilogije po Tolkienowym romanje „Knjez pjeršćenjow“ tyknył. Měrćin Wjenk

Před 125 lětami je so w Južnej Africe, tehdy hišće britiskej kolonija, John Ronald Reuel Tolkien narodźił. Ze žanym druhim městom pak njeje žiwjenje awtora „Knjeza pjeršćenjow“ a „Hobita“ tak jara zwjazane kaž z jendźelskim Oxfordom.

Hač připad abo nic – hnydom jako prěnje napadnje mi na kromje hłowneho puća, wjeduceho do nutřkowneho města Oxforda, korčmička z mjenom „The Eagle and Child“. Wězo do njeje załožu. Nic, dokelž sym po dołhej jězbje lačny, ně, tu bě so J. R. R. Tolkien ze swojimi tohorunja pisacymi přećelemi zetkawał. Wosebje w 1940tych lětach sedźachu woni tule kóždu wutoru dopołdnja (!) při piwje, předčitachu sej swoje najnowše basnje a powědki a rěčachu wo nich. Literatura při dopołdnišim piwku? Snano by to tež Koło serbskich spisowaćelow wožiwiło ...

Korčmu jako tajku su drje mjeztym ponowili a powjetšili. Rumnosć, w kotrymž spisowaćeljo něhdy sydachu, pak njeje so hač do dźensnišeho wulce změniła. Zawěsće tež, dokelž wona dźeń a wjace turistow přiwabja, turistow kaž mje. Ale što sej tež chceš, z prózdnym brjuchom so derje njeběha, ani po tajkim rjanym měsće kaž Oxfordźe nic.

wozjewjene w: Předźenak

Galerija

dalši wobraz (1) Bustu Tolkiena w kapale Oxfordskeho Exeter Collega je přichodna dźowka jendźelskeho awtora Faith zhotowiła. Foto: Julian Nyča
dalši wobraz (2) W korčmičce „The Eagle and Child“ běchu so Tolkien a jeho tohorunja pi sacy přećeljo rady zetkawali.
dalši wobraz (3) Tower of the five orders, dźěl tak mjenowaneje Bodleian-library w Oxfordźe
Prošu přizjewće so, chceće-li komentar podać

Serbska debata

nowostki LND