Istanbul (dpa/SN). Němski wojowar wo čłowjeske prawa Peter Steudtner a jeho šwedski kolega Ali Gharavi staj swobodnaj. Turkowske sudnistwo je jeju w nocy z přepytowanskeje jatby w Silivri pušćiło. Dźensa popołdnju wočakowachu Steudtnera a jeho mandźelsku w Berlinje. Hač na předsydu organizacije Amnesty International w Turkowskej Tanera Kılıça je sudnistwo tež wšěch tamnych wobskorženych hač k wusudej z jastwa pušćiło.

Wěnuja so klimje a ćěkancam

Berlin (dpa/SN). Potencielni partnerojo jamaiskeje koalicije Unija, FDP a Zeleni rozestajeja so dźensa z łoskoćiwymi temami ćěkancy, klima a energija. Přede­wšěm migraciskeje politiki a škita klimy dla maja strony rozdźělne předstawy. Zeleni sej dale raznje žadaja zakónčić wudobywanje brunicy. Šef FDP Christian Lindner wočakowaše wobćežne rozmołwy hladajo na ćěkancow, a to z CSU, kotraž wobstawa na tym, ličbu migrantow w Němskej wobmjezować.

Pjenježnu politiku změnić