Schrift vergrößern
W Dźěwinje je tamniše dźěćetko minjenu njedźelu seniorow na adwentničce překwapiło. Zhromadnje ze swojimaj přewodnicomaj wone po starodawnym wašnju přitomnym zbožo wupřa a jich žohnowaše. Zdobom kóždeho jednotliweho na licu pomajka. Nimo seniorow bě na adwentničce tež 40 pěstowarskich dźěći. Pod nawodom Sigrid Baatz zawjeselichu wone wuměnkarjow z cirkusowym programom. Foto: Martina Arlt
Dohodowny a tuž chětro potajnosćiwy čas lěta je zahajeny. Wšudźe su rumpodichowe čapki widźeć, w mnohich městach a wsach wuhotuja nětkole adwentne wiki, hdźež móžemy so za hodownymi darami rozhladować, tu a tam nopašk horceho wina wupić, ale tež ze znatymi a přećelemi pobjesadować.
Na Budyskich adwentnych wikach witachu tež lětsa znowa Wojerowske dźěćatko a jeho pomocnicy. Foto: SN/Maćij Bulank
Na mnohich adwentnych wikach staraja so dujerjo, kaž tule w Hodźiju, wo počasej wotpowědnu spodobnu atmosferu. Foto: SN/Maćij Bulank
W Ćisku skićachu minjeny kónc tydźenja předewšěm dźěćom tójšto zaběry, kaž tule debjenje poprjančkow, při čimž Katrin Pollack pomhaše. Foto: Johann Tesche
