Wočakowanja spjelnjene

pjatk, 29. decembera 2017
artikl hódnoćić
(0 )
W Róžeńčanskej cyrkwi je chór Lipa wčera swój kóždolětny hodowny nyšpor wuhotował. Nimo hudźbnych překwapjenkow chóra dožiwi publikum skupinu holcow na pišćałkach, kotruž nawjedowaše Borbora Markowa.  Foto: Feliks Haza W Róžeńčanskej cyrkwi je chór Lipa wčera swój kóždolětny hodowny nyšpor wuhotował. Nimo hudźbnych překwapjenkow chóra dožiwi publikum skupinu holcow na pišćałkach, kotruž nawjedowaše Borbora Markowa. Foto: Feliks Haza

Wunošk hodowneho nyšpora chóra Lipa na dobro projektow w Malawiju

Róžant (CRM/SN). Kaž kóžde lěto składnostnje hodowneho nyšpora z chórom Lipa, běše tež wčera wječor Róžeńčanski Boži dom hač na poslednje městno wobsadźeny. Chór Lipa ze swojej dirigentku Jadwigu Kaulfürstowej ma dźě tež nastupajo tónle hodowny koncert jara dobre mjeno. Sep znatych a woblubowanych serbskich pěsnjow w swětle swěčkow w swjatnicy dožiwić, to hrěje připosłucharjam wutrobu­ a wokřewja dušu.

W zwučenej spěwnej kwaliće zaklinčachu tak dźěle z oratorija „Zyma“ Handrija Zejlerja a Korle Awgusta Kocora. Chórisća poskićichu wobkuzłace a zdobom wužadace sadźby Bjarnata Krawca na teksty Michała Nawki a Józefa Nowaka. K tomu předčita Katka Baierowa zeserbšćenu powědku Astrid Lindgren „Dobry wječor, knježe prošerjo“. A pokaza z nim na přećiwk mjez dźensnišim našim wašnjom zromantizowanja a komercionalizowanja hodowneho swjedźenja a jeho poprawneho zmysła.

wozjewjene w: Kultura
Prošu přizjewće so, chceće-li komentar podać

Serbska debata

nowostki LND