Łužiski forum w Běłej Wodźe wočakowanja spjelnił?
Budyšin/Běła Woda (SN/BŠe). Sakski ministerski prezident Michael Kretschmer (CDU) je minjeny štwórtk na prěni Łužiski forum do Běłeje Wody přeprosył. Něhdźe 300 ludźi je přišło, mjez nimi fachowcy z hospodarstwa, wědomosće a slědźenja, ale tež zastupjerjo wšelakich iniciatiwow a towarstwow. Pisana měšeńca potajkim, kotraž móhła wjele jednanskich polow wobswětlić.