Spominaja na Kita Lorenca

štwórtk, 15. měrca 2018
artikl hódnoćić
(0 )
Kito Lorenc je so 4. měrca 1938 w Slepom narodźił. K jeho 80. posmjertnym na rodninam wuhotuja SLA, NSLDź, LND a Serbski institut zhromadne spomnjeće w Budyskim Serbskim muzeju a w Dźiwadle na hrodźe.  Foto: SN/Maćij Bulank Kito Lorenc je so 4. měrca 1938 w Slepom narodźił. K jeho 80. posmjertnym na rodninam wuhotuja SLA, NSLDź, LND a Serbski institut zhromadne spomnjeće w Budyskim Serbskim muzeju a w Dźiwadle na hrodźe. Foto: SN/Maćij Bulank

Dźens za tydźeń počesća serbske institucije zhromadnje z hosćimi a partnerami wusahowaceho łužiskeho spisowaćela Kita Lorenca z wosebitymaj ­zarjadowanjomaj. Basnik, kiž je loni w septembru na prawdu Božu wotešoł, by spočatk měsaca wosomdźesaćiny swjećił.

Wědomostny sympozij

22. nalětnika popołdnju wuhotuje Serbski institut zhromadnje ze slawistiskim institutom Techniskeje uniwersity Drježdźany sympozij „Kito Lorenc mjez poeziju a literaturowědu“ w Budyskim Serbskim muzeju. Prof. Walter Schmitz předstaji spisowaćela a rozjima prašenje, hač bě Lorenc „basnik małeho ludu?“. Dr. Ewout van der Knaap wěnuje so w swojim přednošku „Neulust“ dźěłu na rěči w němskich basnjach Lorenca. Přizamknje so referat prof. Christiana Prunitscha, kiž so pod hesłom „Podomk“ ze serbskorěčnej lyriku awtora zaběra. Dr. Franc Šěn chce so k Lorencej jako „znajerjej serbskeje literatury“ wuprajić.

wozjewjene w: Kultura
Prošu přizjewće so, chceće-li komentar podać

Serbska debata

nowostki LND