Projektowaj manageraj Domowiny a zastupjerjo institucijow so zetkali

Wojerecy (SN/bn). Prěni raz zetkachu so na polu managementa skutkowacy Domowiny kaž tež projektowi sobudźěła­ćerjo Załožby za serbski lud a Rěčneho centruma WITAJ we Wojerowskim Domje Domowiny. Minjeny štwórtk wuradźowachu tam wo tym, kak móža přichodnje najlěpje hromadźe dźěłać a štó budźe za kotre projekty zamołwity. Mjez mnohimi namjetami, kotrež na zetkanju wuměnjachu, bě mjez druhim tón, wu­tworić wirtuelny managerowy pool. Jón zwoprawdźić je jedna naprawa, na kotruž so wobdźělnicy konkretnje dojednachu, zdźěli na naprašowanje direktor Załožby za serbski lud Jan Budar.