Sokoł Ralbicy/Hórki

– ST Drohotka Ramnow 2:3 (0:2)

Zestawa domjacych: Ch. Gloxyn – Rawš, Zynda, Šewc, J. Bjeńš, Šołta, D. Gloxyn, Domaška, Janca, M. Matka (46. S. Bjeńš), Kurjat (71. K. Matka)

W Ralbičanskim Stadionje přećelstwa zetkaštej so njedźelu koparskej mustwje, kotrejž matej dotal skerje přerěznu a njekonstantnu sezonu. Wobaj teamaj, Sokoł Ralbicy/Hórki a Drohotka Ramnow, spytaštej tež nětko zaso po poměrnje samsnym mustrje wo dypki wojować, hrajo robustnu a njekomplikowanu kopańcu.