Wosebity stil jeho molerstwa mnozy wobdźiwaja

srjeda, 09. meje 2018
artikl hódnoćić
(0 )
Tež tele tři na foliju molowane wobrazy Budyskeho wuměłca dr. Dietmara Wapplera „Skała pola Wujezda“, „Jabłučinowa aleja pod Wu smužowej horu“ a „Ještěd“ (wotlěwa) móžeće w tuchwilnej wustajeńcy Muzeja Budyšin wobdźiwać. Foto: SN/ Maćij Bulank Tež tele tři na foliju molowane wobrazy Budyskeho wuměłca dr. Dietmara Wapplera „Skała pola Wujezda“, „Jabłučinowa aleja pod Wu smužowej horu“ a „Ještěd“ (wotlěwa) móžeće w tuchwilnej wustajeńcy Muzeja Budyšin wobdźiwać. Foto: SN/ Maćij Bulank

Zajimawa kabinetna wustajeńca z twórbami dr. Dietmara Wapplera

Často njeje kóždemu znate, kajcy dobri­­ tworjacy wuměłcy w našim regionje skutkuja abo skutkowachu. Mjez nimi su a běchu tež ludźo, kotřiž­ so nimo swojeho hłowneho po­wołanja seršćowca přimachu a so pro­fe­sionalnje a z cyłej dušu molerstwu wěnowachu. Jedyn z nich bě dr. Dietmar Wappler z Budyšina. Wo jeho wuměłskim skutkowanju móža so nětko zajimcy tworjaceho wuměłstwa we wosebitej wustajeńcy „Wusmužowa hora – dr. Wapplerej k 80. narodninam“, kotraž bu 31. měrca w Muzeju Budyšin wotewrjena, přeswědčić. Hač do 31. awgusta 2018 je přehladka zjawnosći přistupna. [Wu­smužowa hora je 264 metrow wysoka wulkaniska hora w předkraju Hornjołužiskich hór njedaloko Wó­spor­ka, němsce Stromberg. – přispomnjenje redakcije]

Zajimawy puć k wuměłstwu

Dr. Dietmar Wappler njeje wšak šěrokej serbskej zjawnosći tak derje jako two­rjacy wuměłc znaty, za to pak jako žón­ski lěkar w Budyšinje. Jeho mandźelska dr. Roswitha Wappler bě tež w Budyšinje znata žónska lěkarka. Hižo wjacore lěta na wuměnku so wona nětko w sprjewinym měsće kulturnje angažuje.

wozjewjene w: Kultura

Galerija

dalši wobraz (1) „Nalětnja zeleń pola Jenkec“ rěka 1988 nastata twórba, za kotruž bě wuměłc akrylowu barbu a wolijowu krydu wužiwał.
Prošu přizjewće so, chceće-li komentar podać

Serbska debata

nowostki LND