Jeho hudźba klinči dale we wutrobach ludźi poručenje

wutora, 22. meje 2018
artikl hódnoćić
(0 )
Detlef Kobjela †  Foto: SN/Maćij Bulank Detlef Kobjela † Foto: SN/Maćij Bulank

Serbski komponist Detlef Kobjela njeboh

Wuznamny serbski hudźbutwórc Detlef Kobjela je njeboh. Zrudźaca powěsć, zo bě komponist, hudźbny wědomostnik a lawreat Myta Ćišinskeho po wjelelětnej chorosći minjeny pjatk, 18. meje, w sta­robje 74 lět w Budyskej chorowni zemrěł, je so minjeny kónc tydźenja spěšnje­ po Hornjej kaž tež Delnjej Łužicy rozšěriła.

Detlef Kobjela narodźi so 7. apryla 1944 swójbje delnjoserbskeho pjekarja w Rogoznje njedaloko Choćebuza. Tam chodźeše do wjesneje šule a wot 6. lět­nika do Choćebuskeje ludoweje hudźbneje šule (dźensa konserwatorij), hdźež wuknješe na klawěrje a wiolinje hrać. Jako­ šuler Serbskeje rozšěrjeneje wyšeje šule (SRWŠ) je so aktiwnje do kulturneho dźěła dał a wěsty čas samo šulski chór nawjedował. Zdobom pospyta so hižo w komponowanju. Prěni jeho spěw, nastaty při křidle w šulskej awli, bě na delnjoserbski tekst Kita Lorenca „Nóc běšo śicha …“ Sobušulerjo mjenowachu jeho tuž luboznje „Mozart“.

wozjewjene w: Kultura
Prošu přizjewće so, chceće-li komentar podać

Serbska debata

nowostki LND