FC Energija planuje kader za třeću koparsku ligu

póndźela, 11. junija 2018
artikl hódnoćić
(0 )
 FC Energija je zrěčenje z Maxom Grundman nom wo dalšej lěće podlěšiła. Foto: Georg Zielonkowski  FC Energija je zrěčenje z Maxom Grundman nom wo dalšej lěće podlěšiła. Foto: Georg Zielonkowski

Po tym zo je Max Grundmann ze swójskeho dorosta zrěčenje njedawno hač do lě­ta 2020 podlěšił, předstaji FC Energija dwaj eksternej nowopřichadaj. Abdulkadir Beyazit přińdźe wot stafloweho konkurenta Babelsberg 03 a dóstanje zrě­čenje hač do lěta 2020. „Widźimy w nim wysoko talentowaneho hrajerja, kiž ma hišće wulki wuwićowy potencial. „Po charakteru a tež sportowsce so wón absolutnje k nam hodźi,“, rjekny šeftrenar Claus-Dieter Wollitz. 21lětny nadběhowar bě hižo za Herthu 03 Zehlendorf, Tennis Borussiju Berlin, 1. FC Union Berlin­ a Viktoriju Berlin hrał, prjedy hač dźěše­ w lěću 2016 k SV Babelsberg 03. Tam je wón 52 winowatostnych hrow absolwował a 17 wrotow třělił. Za škit je FC Energija Daniela Stanese angažowała. Defensiwny srjedźopólny kopar, kiž ma w třećej lize hižo nazhonjenja, přińdźe wot VfR Aalena do Choćebuza a wostanje tohorunja hač do 2020. „Z Danielom Sta­ne­su mamy derje wukubłaneho hraje­rja w najlěpšej koparskej starobje. Wón je w třećej lize hižo konstantne wukony pokazał. Myslimy sej tež, zo hodźa so jeho čłowjeske a sportowe kwality do našeho teama“, Wollitz 24lětneho posudźuje.

wozjewjene w: Sport
Prošu přizjewće so, chceće-li komentar podać

nawěšk

nowostki LND