Běłoruskim dźěćom jónkrótne zetkanje wobradźili

štwórtk, 14. junija 2018
artikl hódnoćić
(0 )
Dźěći Łužičanki a běłoruskeho ansambla Milawica su minjenu sobotu w Budy šinje program krasneje folklory na žurli SLA wuhotowali.  Foto: SLA/Stefan Čuška Dźěći Łužičanki a běłoruskeho ansambla Milawica su minjenu sobotu w Budy šinje program krasneje folklory na žurli SLA wuhotowali. Foto: SLA/Stefan Čuška

Budyšin. Wulce zahorjeni běchu přihladowarjo na lětnim dźěćacym swjedźenju dorostoweho studija Serbskeho ludoweho ansambla Łužičanka minjenu sobotu na kopatej žurli SLA. Mali wuměłcy zawjeselichu publikum z wulkej dokonjanosću w swojich serbskich kaž tež w běłoruskich rejach. Towarstwo Milawica bě hromadźe z Łužičanku hodźinski program krasneje folklory spřihotowało. A k zakónčenju zaklinča zhromadna pěseń „Njech přec wostanje słónco“.

Dźěći z kónčiny blisko běłorusko-ukrainskeje hranicy přebywaja tuchwilu na přeprošenje Budyskeje Černobylskeje iniciatiwy na tři tydźenje w měsće. Wot lěta 1990 witaja tu hóstne swójby skupinu dźěći z 1986 wot atomoweje katastrofy w Černobylu potrjecheneho regiona na wočerstwjenje.

wozjewjene w: Kultura
Prošu přizjewće so, chceće-li komentar podać

Serbska debata

nowostki LND