Słodarnja w bliskosći Kamjenskeje radni cy je zajimawe twarjenje, kotrež swědči wo stawiznach Lessingoweho města. Foto: Feliks Haza
W našej lětušej lěćnej seriji předstajamy łužiske zetkanišća, kotrež drje njejsu po wulkosći najwjetše, ale hdźež ludźo wšěch starobow prawidłownje rady załožeja. Wšako su w nich přeco zaso nowe wustajeńcy k najwšelakorišim temam zaměstnjene, přeprošuja tam na bjesadu z małym programom. Pod hesłom „na małych deskach wulke jewišćo“ wopytachu naši redaktorojo lokality, hdźež před poměrnje małej kulisu wulke dźiwadło hraja, hdźež móžeš tež w prowincy swojich wulkich šlagrowych starow dožiwić, hdźež maja w lěćnej sezonje a přez cyłe lěto wotměnjawe programy za kulantnu płaćiznu w poskitku. Na tajke zarjadowanja sej tež rady Serbja do Wojerowskeje, Budyskeje, Biskopičanskeje abo błótowskeje wokoliny dojědu, zo bychu so tam zabawjeli. Tu a tam drje su tež serbske programy, móhło pak jich wjace być.