Serbja wčera w Budyšinje ze zastupnikami sakskeho knježerstwa rěčeli
Budyšin (SN/MkWj/JaW). Stólcy na žurli Budyskeho Serbskeho domu wčera wječor ani njedosahachu, telko ludźi je so za zarjadowanje „Rozmołwa ze Saksami“ zajimowało, na kotrež bě sakski ministerski prezident Michael Kretschmer (CDU) zhromadnje z předsydu Domowiny Dawidom Statnikom přeprosył. Wjace hač 120 ludźi sćěhowaše přeprošenje na wuradźowanje, kotrež měješe so serbskim temam wěnować.
