Sokoljo z cyłeho swěta so zetkali

pjatk, 13. julija 2018
artikl hódnoćić
(0 )
Jedna z wosebitostkow wšosokołskeho zlěta w Praze: Wudworski folklorny ansambl je před Hradčanami serbski  katolski  kwasny ćah předstajił, mjez druhim z družkami a brašku, z reju a muzikantami. Jedna z wosebitostkow wšosokołskeho zlěta w Praze: Wudworski folklorny ansambl je před Hradčanami serbski katolski kwasny ćah předstajił, mjez druhim z družkami a brašku, z reju a muzikantami.

Sylna a pisana serbska delegacija najmjeńši słowjanski narod w Praze dostojnje zastupowała

Jenož kóžde šěsć lět so woni w Praze zetkawaja, Sokoljo ze wšěch móžnych krajow swěta – na přikład z Ameriki, Awstralskeje, Brazilskeje, Francoskeje abo Kanady. Lětsa wotmě so w złotym měsće hižo 16. wšosokołski zlět, a to wot 1. do 6. pražnika. Hakle wot přewróta wobdźěleja so tež serbscy Sokoljo na zetkanjach sokołskeho hibanja. Budyšan ­Jurij Nuk, kiž je na prěnim tajkim 1994 był, rozprawja: „Lěto po znowazałoženju Serbskeho Sokoła bě to za mnje ­prěni přebytk na wšosokołskim zlěće. W NDRskim času wšak njejsmy wo tym wjele słyšeli. Lětsa pak bě to jara rjany zlět z wulkotnym serbskim podźělom. Wulka chwalba našej skupinje!“ Serbja wobdźělichu so tež lětsa znowa na wulkim swjedźenskim ćahu wot Wjacławskeho na Staroměšćanske naměsto. Wón twori stajnje zazběh zetkanja, kotrež traje cyły tydźeń.

wozjewjene w: Předźenak

Galerija

dalši wobraz (1) Na čole delegacije Serbskeho Sokoła kročeše jeje starosta Milan Funka, za nim koparki serbskeje wubranki.
dalši wobraz (2) Smjerdźečanska rejwanska skupina před palaisom Tyršův dům, kotryž je po załožerju sokołskeho hibanja Miroslavje Tyršu pomjenowany
dalši wobraz (3) Ze serbskej chorhoju w Praze bě tež referent Domowiny za wukrajne naležnosće Clemens Škoda (2. wotprawa).
Prošu přizjewće so, chceće-li komentar podać

Serbska debata

nowostki LND