Za socializm z čłowjeskim wobličom

srjeda, 18. julija 2018
artikl hódnoćić
(0 )
Na Praskich Hradčanach wuzwolichu 30. měrca 1968 Ludvíka Svobodu za noweho prezidenta kraja a 8. apryla 1968 bě tam nowe knje žerstwo Oldřicha Černíka na wustawu přisahowało. Foto: SN/Maćij Bulank Na Praskich Hradčanach wuzwolichu 30. měrca 1968 Ludvíka Svobodu za noweho prezidenta kraja a 8. apryla 1968 bě tam nowe knje žerstwo Oldřicha Černíka na wustawu přisahowało. Foto: SN/Maćij Bulank

Reformerojo sej před 50 lětami w Čěskosłowakskej socialistiskej republice politiske a hospodarske změny žadali

Wot lěta 1960 wuwiwaše so w Čěsko­słowakskej socialistiskej republice (ČSSR) towaršnostna a hospodarska kriza, kotrejež přičina bě centralistiski system wot komunistiskeje strony (KSČ) nawjedowaneho stata a jeho hospodarstwa. Najebać to pak bě po Němskej demo­kratiskej republice ČSSR hospodarsce a technisce sobu najsylniši sociali­stiski kraj Europy. Na čole komunisti­skeje strony stejachu stalinisća kaž prěni sekretar Antonín Novotný, štož je so jara na wobmjezowanje nutřkowneje a stronskeje demokratije wuskutkowało. Roze­stajenja nastupajo narodnostnu politiku mjez Słowakskej a Čěskej so přiwótřichu. Słowakska komunistiska strona njemóžeše samostatnje rozsudźeć, ale bě wot cyłostatneje KSČ wotwisna. Hospodarska kriza­ docpě 1963 swój wjeršk, a někotři politikarjo a wědomostnicy wuprajichu so za reformy.

Ota Šik sej změny žadał

wozjewjene w: Kraj a swět
Prošu přizjewće so, chceće-li komentar podać

Serbska debata

nowostki LND