Čěska a Italska so wadźitej

štwórtk, 19. julija 2018
artikl hódnoćić
(0 )

Praha/Rom (dpa/SN). W zwadźe politiki Europskeje unije ćěkancow dla so nětko Čěska a Italska rozestajatej. Čěski ministerski prezident Andrej Babiš je zasadnje zwólniwy so z italskim premierom Giuseppu Conte zetkać. „Chcemy swoju jasnu poziciju přednjesć“, rjekny 63lětny wčera w Praze. Minjeny kónc tydźenja bě wón italske žadanje wotpokazał, dźěl wonych 450 ćěkancow přiwzać, kotřiž běchu­ přez Srjedźne morjo do Italskeje dojěli. „To je puć do hele“, politikar po­pulistiskeje strony ANO rjekny. Na to bě so Conte ze zjawnym listom na swojeho čěskeho kolegu wobroćił a jeho do Roma přeprosył. Italska njeje po puću do hele ale po puću legality a zhromadneje zamołwitosće za migraciski fenomen, w jeho spisu rěka. Bjezstronski knježerstwowy šef nawjeduje koaliciju lěwicarskeho hibanja Pjeć hwězdow a prawicarskeje strony Lega.

wozjewjene w: Politika
Prošu přizjewće so, chceće-li komentar podać

nawěšk

nowostki LND