W Čornochołmčanskim Krabatowym młynje audioguide předstajili
Čorny Chołmc (SN/bn). Krabatowy młyn w Čornym Chołmcu wabi hosći wotnětka z nowym poskitkom. Tak mjenowany audioguide sposrědkuje informacije k stawiznam a pozadkam za kóždu jednotliwu z cyłkownje 15 stacijow. Něhdźe hodźinu wopřijimaca němska wersija wobsahuje nimo toho citaty wažnych wosobinow a někotre spěwy z inscenacijow Krabatowych swjedźenskich hrow za na- a wutwar Krabatoweho młyna. Tamne tři warianty w jendźelšćinje, čěšćinje a serbšćinje traja něhdźe poł hodźiny.
