Njewjedra haćenja zawinili

pjatk, 10. awgusta 2018
artikl hódnoćić
(0 )

Offenbach (dpa/SN). Njewjedra su w dźělach Němskeje wčera a dźensa w nocy wulke haćenja zawinili. Wosebje na zapadźe a sewjeru Němskeje měješe wohnjowa wobora njeličomne zasadźenja, přede­wšěm spowalanych štomow dla. Zdźěla­ běchu železniske čary na sewjeru hišće dźens dopołdnja njewužiwajomne. Wčera­ wječor dyrbjachu tam samo ně­kotre wotrězki awtodróhow nachwilnje zawrěć. W Braniborskej, Durinskej, Saksko-Anhaltskej a Sakskej njejsu njewjedra žane wulke škody zawostajili.

Zasudźa nadpad na bus

New York/Sanaa (dpa/SN). Generalny sekre­tar António Guterres je nalět na šulski bus ze znajmjeńša 50 mortwymi wčera w Jemenje zasudźił. Wopory běchu hłownje dźěći a młodostni. Guterres žada­ sej njewotwisne a spěšnje přepytowanje nadpada, za kotryž je wojerske zwjazkarstwo pod nawodom Sawdi-Arabskeje zamołwite. Wšitke strony w jemenskim konflikće měli so wo to prócować, žanych ciwilistow a žane ciwilne objekty do wojerskich jednanjow njezapřijeć.

Njewužiwaja kubłanske šansy

wozjewjene w: Kraj a swět
Prošu přizjewće so, chceće-li komentar podać

Serbska debata

nowostki LND