Ministerka žada sej wujasnjenje

štwórtk, 23. awgusta 2018
artikl hódnoćić
(0 )

Drježdźany (dpa/SN). Zwjazkowa justicna ministerka Katarina Barley (SPD) je sej po wozjewjenju brizantnych nadrobnosćow w zwisku z postupowanjom policije přećiwo reporteram sćelaka ZDF na kromje prawicarskopopulistiskeje demonstracije w Drježdźanach spěšne a dokładne wujasnjenje žadała. „Podawki su přičina so starosćić a zamołwići w Sakskej měli je wobšěrnje wujasnić“, rjekny politikarka powěsćerni dpa. Do toho bu znate, zo bě wjele kritizowane zasadźenje policije přećiwo žurnalistam sobudźěłaćer sakskeho kriminalneho zarjada zawinił, kiž bě so we wólnym času na demonstraciji přećiwo islamej a wukrajnikam měrjaceho so hibanja Pegida wobdźělił. Muž bě team ZDF werbalnje nadběhował a so filmowanju wobarał. Na to policisća reporterow kontrolowachu a su jim tak najebać protest dlěje hač poł hodźiny dźěło znjemóžnili.

wozjewjene w: Politika
Prošu přizjewće so, chceće-li komentar podać

nawěšk

nowostki LND